2 KORINTUS 10:5 - Tanou Moonsoi Timugon

⁵ am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

2 KORINTUS 10:5 ပူးပေါင်းရင်းမြစ်များ

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

2 RAJA'-RAJA' 19:22

Indoson mu, osoi kia ondo' iison am asabin muno? Liminimbau kono Raki', i Aki Kapuuno' ru Israil, i Aki Kapuuno' ondo' matulai.

2 RAJA'-RAJA' 19:28

Nokorongog Aku intor ra sangit muno am limbau muno. Raino patakinon Ku kakait ra arung muno, am kakang ra kabang muno. Ralaaton Tokou muli' maya' ra ralan ondo' binayaan paat ra minatong.”

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 18:27

Pinabala' Mu inan Muno matulai ra ulun ondo' mapasau guang, kaa' makimantula' Kou ra ulun malaat.

MAZMUR 18:44

Namayag Kou raki' intor ra ulun mangalaat, am mapasauk raki' mamarinta ra ngaangai' bansa'; bansa' ra kalo nauligan kuno masauk ra mamagun kuno.

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

AMSAL 15:26

Masisang Tuhan no ra pangkaraan ondo' majamol, kaa' iowon Nano ragu-ragu ra moonsoi.

AMSAL 24:9

Guangon ru ulun sasambungon ioginio tula ayuk. Ulun ondo' masalok maninduol ra bokon kasisangin ru osoi ayuk pana.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

LUKAS 1:51

Mampakito Io ra kuasa' Nano am mampatuliar ra ulun-ulun mangasumbung.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

ROMA 7:23

Kaa' matutunan ku ralalom ru guang kuno mokoondo' poyo ukum ondo' mantutula' ra ukum ondo' iowon ru guang kuno. Ginio ra uliponon aku ru ukum ru tula ondo' manguasa' ra inan kuno.

1 KORINTUS 1:19

Sabap ra tinulisan noyo ra Buuk Kitab: “Kon ri Aki Kapuuno', ‘Pusoon Ku kapintaran ru ulun mapintar, am liomon Ku pangaratian ru ulun mapandai.’ ”

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

2 KORINTUS 11:20

Polosoon min ilo mangulipon, mangingkaut, mamparuung, magasab am mampakauyu' ramuyun.

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

SAGULION 15:9

Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.