2 KORINTUS 10:4 - Tanou Moonsoi Timugon

⁴ Kinandoi mangayou ondo' ibiton mai ra pangayawan, sala' ka intor ra tana' ti, kaa' intor noyo ri Aki Kapuuno' ondo' makakuasa'. Am kinandoi mangayou ti noyo makapamuso ra kinaikang ru pantula'. Mompolonggo' akai ra pantataaman

2 KORINTUS 10:4 ပူးပေါင်းရင်းမြစ်များ

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

JISAYA 30:25

Kubu-kubu ru pantula' mino mapuut, am potoyon ilo. Paat ra orou raginio sungoi-sungoi boborok tumilis intor ra moonong gunung am bulur.

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

RINALATAN 7:22

Ilaa' io ra ngaangai' kapandayan ru ulun ru Misir am kasauk io ra sangulun mapintar, koson matanda' toojo ragu am baalon nano.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

ROMA 6:13

Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

1 KORINTUS 2:5

Kinooi ku raginio, koson pangintapatan min ri Kristus kalo inimpuun ra kapintaran ru ulun, kaa' inimpuun niayuk ra kuasa' ri Aki Kapuuno'.

1 KORINTUS 9:7

Kolondo' saujor maguyum ra balanja' nano galama' paat ra io makaaya' ra pangayawan. Kapoam kolondo' ulun magitanom kalo mangakan ra kawa' ru anggur intor ra umo nano galama'. Kapoam kolondo' magagalung ondo' kalo manginum ra gatas intor ra domba nano galama'.

2 KORINTUS 10:8

Kalo mauyu' aku, kabalu' pana lumimbau aku toojo ra kuasa' ondo' pinataak ramon ru Tuhan. Sabap ra kuasa' ti tinaakan koson mampaikang ra pangintapatan min, sala' ka mampalawo ramuyun.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 3:5

Kolondo' kon atan pana ramon ondo' mangiou ra akai maaya' mambaal ra kandoi ti. Kaa' pangiawan maino intor noyo ri Aki Kapuuno'.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

2 KORINTUS 6:7

Mampabala' akai ra tanou motopot ralalom ru kuasa' ri Aki Kapuuno'. Kaayagan mai ra motopot koson ra kinandoi mangayou ondo' alapon mai mampabala' am niayuk mangampin ra Tanou Moonsoi.

1 TISALONIKA 5:8

Kaa' itakau ti maayag ra matawang, am musiti' masalok takau tumampos. Musiti' takau mangintopot ra Tuhan am motogom ra ulun bokon, ginio koson migampin takau ra bayang basi'. Am poyo kalansanan ra bayagon takau koson migampin takau ra tupi' basi'.

1 TIMOTIUS 1:18

Timotius ondo' pinakaanak kuno, kandoi ragitio palansanon ku rirun: Anggalo' ilo ondo' maabau-abau ra okou mampabala' ra Tanou Moonsoi, maya' ra bilin ru nabi rirun ragili.

2 TIMOTIUS 2:3

Musiti' kou maya' maimbolo' koson sangulun saujor ri Kristus ondo' gumagaya' Riso.

IBRANI 11:30

Sabap ra pangintapatan noyo, timbok ru bandar Jiriko nalunsai, nalupus ulun ru Israil liminiput ra intok ti buoi natuluan.

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.