2 KORINTUS 10:13 - Tanou Moonsoi Timugon

¹³ Kaa' akai ti pai' ru makiompor koson raginio. Kaa' makiompor niayuk morontop ra atan ondo' inaru' ri Aki Kapuuno' ramon, ioginio ondo' kinandoi mai ramuyun.

2 KORINTUS 10:13 ပူးပေါင်းရင်းမြစ်များ

ROMA 15:20

Moogot aku mampabala' ra Tanou Moonsoi ra intok ru ulun ondo' kalo igondo' nakaining ra tanou ri Kristus. Maa' raginio, sala' ka manunggul aku ra kandoi ondo' tinalimpuunan ru ulun ra bokon.

ROMA 12:6

Ginio ra musiti' takau pakayon kapandayan ra nansusuai ondo' pinataak ri Aki Kapuuno' no ritakau sigagama', maya' ra asi' Nano. Osoi ondo' inanian ra kapandayan mampabala' ra tanou ri Aki Kapuuno', kondoyon no ginio maya' ra pangintapatan nano ri Jisus.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.

IPISUS 4:7

Itakau sigagama' inanian ra kapandayan maya' ra kataawan ri Kristus.

1 KORINTUS 12:11

Ngaangai' no saukon ru rondo' ayuk, ioginio Ambiluo ri Aki Kapuuno'. Io no ondo' mangani' ra ulun ra kapandayan sigagama' sumugut ra kasagaan Nano galama'.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

MATIUS 25:15

Inanian no ulipon nali maya' ra kapiratan nilai sigagama'. Sangulun inanian no limo ngaribu ruit mas. Bokon inanian no ruo ngaribu ruit mas am sangulun poyo inanian no saribu ruit mas. Tuan ti pana ugar boo.

JISAYA 28:17

Katimpakan saukon Ku ra tali panunuku', am kabanisan ru guang saukon Ku ra tali unting.” Nansalinut abau ondo' masauk ra kalansanan mino malulun ru rasam batu, am sindungan mino pusoon ru liur maayo.

AMSAL 25:14

Ulun ondo' kalo manugut ra bantu' nano koson ayuk ra gaun am angin ondo' kalo magibit ra rasam.

MAZMUR 19:4

Kolondo' ragu am sulabiton; bolos pana kalo maining;