2 KORINTUS 10:10 - Tanou Moonsoi Timugon

¹⁰ Mokoondo' mindagu ra, “Surat-surat ri Paulus malarom am moporos, kaa' paat ra io mokosoroi ritakau, malawo ulun no am ragu nano pana kalo sama' iningon.”

2 KORINTUS 10:10 ပူးပေါင်းရင်းမြစ်များ

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

JIRIMIA 1:6

Taam aku, “Iou Tuhan Raja', kalo matanda' ra aku mindagu sabap ra aku ti lakat poyo mamulok.”

1 KORINTUS 1:17

Sinusub aku ri Kristus sala' ka mampariu' ra ulun, kaa' mampabala' ra Tanou Moonsoi; am ginio pana musiti' ku baalon, kaa' kalo maya' ra kapintaran ru ulun ayuk toojo, maa' raginio pinatayan ri Kristus ra salip kalo mairuan ra kuasa'.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 10:11

Moonsoi poyo makatutun ilo ra pamakuan mai ramuyun paat ra akai sumaguli' ra Korintus, mogondo' niayuk ra atan ondo' tinulisan mai ralalom ru surat maili.

2 KORINTUS 10:9

Kalo noyo masaga' aku ra surat-surat kuno ilain ayuk koson mampakalaa' ramuyun.

2 KORINTUS 11:21

Balain takamin toojo: kalo sama' akai tumilu risilo! Amon ru makakau' ilo lumimbau, aku pana makakau'! (Sasambungon aku mindagu koson raginio.)

2 KORINTUS 11:6

Mailo aku lair mampabala' ramuyun, kaa' kapandayan kuno ra Tanou Moonsoi malandom toojo, am ginio pinaintutun mai noyo toojo ramuyun.

2 KORINTUS 13:3

Makaapu kau niayuk ra inono' ondo' gogoton mini ra topot-topot i Kristus mindagu mansail raki'. Paat ra Io mampatanda' ramuyun, kalo malawo Io, kaa' mampakito Io ra kuasa' Nano ramuyun.