2 KORINTUS 1:8 - Tanou Moonsoi Timugon

⁸ Pabukat kau ngaangai', masaga' akai ra makaintutun kau ra kapaganan ondo' nailian mai giu' ra pagun Asia, najanjayan am maagat toojo, saboi kolondo' boo kalansanan mai maayag.

2 KORINTUS 1:8 ပူးပေါင်းရင်းမြစ်များ

RINALATAN 16:6

Tungguli' boo i Paulus am i Silas pangkiralanan nilai mansail ra pagun Prigia am Galatia sabap ra Ambiluo ri Aki Kapuuno' kalo nangiou risilo mampasaboi ra tanou ri Aki Kapuuno' giu' ra Asia.

RINALATAN 19:41

Pakaindagu raginio, pinauli' no ulun-ulun no.

RINALATAN 2:9

Itakau ulun intor ra Partia, Midia am Ilam; am intor poyo ra Misopotamia, Judia am Kapadokia; am ondo' intor ra Pontus am pagun Asia,

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

1 KORINTUS 15:32

Kolondo' onong aku gumula' ra ulun malaat giti ra bandar Ipisus, amon ru ampos no kaayagan ru tana' ti ayuk. Amon ru ulun minatoi kalo bayagon saguli', moonsoi maya' takau ra abig ragitio; “Ibok! Akan, inum am rumamai takau, sabap ra susuab matoi takano.”

1 KORINTUS 16:9

Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

1 KORINTUS 4:8

Indoson min kia ra mokoondo' kano ngaangai'? Langkaya' kano tupo. Mamarinta kano koson ra raja'. Kaa' akai ti kalo. Mapara' boo bonsoi no amon ru totopot niayuk nasauk kau ra raja', maa' raginio makapabaya' takau mamarinta.

2 KORINTUS 1:9

Nalimanan mai koson ayuk ra inukum akai noyo ra potoyon. Kaa' sotopot no ginio nasauk, maa' raginio kalo malansan akai ak ra ikang mai galama', kaa' ri Aki Kapuuno' ayuk ondo' mampakaayag ra ulun matoi.

2 KORINTUS 6:9

Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”