2 KORINTUS 1:6 - Tanou Moonsoi Timugon

⁶ Mapaat ra akai maimbolo', ginio mangindangan am mampakaayag ramuyun. Amon ru indanganon akai, akau pana indanganon am aniin ra kuasa' mongorot ra kaimbalaan koson ramon.

2 KORINTUS 1:6 ပူးပေါင်းရင်းမြစ်များ

RINALATAN 21:5

Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

2 KORINTUS 1:4

Mangindangan Io ramon ralalom ru ngaangai' kapaganan mai, maa' raginio ralalom ru kaindangan ondo' maapu mai intor ri Aki Kapuuno', akai pana makapangindangan ra ngaangai' ulun ondo' makakapaganan.

2 KORINTUS 12:15

Maayo guang kuno mangani' ramuyun ra atan ayuk mokoondo' raki', suku' ra kaayagan kuno pana, maa' raginio makapangindangan aku ramuyun. Amon ru ginio noyo gayo ru kinotogom kuno ramuyun, kua pai' tagami' min aku toojo?

2 KORINTUS 5:5

I Aki Kapuuno' noyo ondo' mampasauk raginio ritakau. Am Io galama' nangani' ra Ambiluo Nano ritakau koson mapakalansan ra mangani' Io ra ngaangai' ondo' binantu' Nali.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 3:13

Ginio ra pai' kano kaimamang kabalu' pana ra aku imboloon koson ra kaatangan min. Sabap ra sotopot no, ngaangai' ru gitio mangindangan ramuyun.

PILIPI 1:19

Makapandai aku ra mansail ra pakiasian min ri Aki Kapuuno' am ra kaindanganan Nano mansail ra Ambiluo ri Jisus Kristus makalabus aku boo.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.