2 KORINTUS 1:4 - Tanou Moonsoi Timugon

⁴ Mangindangan Io ramon ralalom ru ngaangai' kapaganan mai, maa' raginio ralalom ru kaindangan ondo' maapu mai intor ri Aki Kapuuno', akai pana makapangindangan ra ngaangai' ulun ondo' makakapaganan.

2 KORINTUS 1:4 ပူးပေါင်းရင်းမြစ်များ

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAZMUR 32:7

Okou intok kuno mansibuni, Okou namayag raki' intor ra kapaganan. Magilakup aku mongompor Rirun, sabap ra namayag am nanindung Kou raki'.

MAZMUR 66:16

Ibok no am rongog no, akau ngaangai' ulun ondo' mangurumat ri Aki Kapuuno', tunungon ku atan ondo' binaal Nano raki'.

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 40:1

“Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JUANIS 14:16

Makitaak Aku ri Ama' am mangator Io ramuyun ra Mangingindangan ra bokon, ondo' tumilayun ramuyun.

JUANIS 14:18

Kalo manatang Aku ramuyun koson ra anak napatayan ra matuo. Kaa' sumaguli' Aku po ramuyun.

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

2 KORINTUS 7:13

Ginio noyo nampaikang ra guang mai. Am suai poyo raginio, pinaikang niayuk guang mai sabap ra kinabansuk ri Titus. Guang no pinaikang min ngaangai'.

2 KORINTUS 7:4

Malansan am maringkuanang aku ramuyun. Ginio boo ra kabalu' pana masuang kapaganan mai, kaa' guang kuno pinaikang min am maansukan aku toojo.

PILIPI 1:14

Am sabap ra kinibit ra aku inaput ti, masuang boo ulun Kristian intor ra bandar ragitio mangintopot poyo toojo ra Tuhan, saboi mulu' ilo poyo makakau' mampasaboi ra bala' Nano ra kolondo' kalaanan nilo.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

IBRANI 12:12

Kaikango' noyo rondo' am bokon koson ra kalindu' malami' kapoam atur monontol kaikangon.