2 KORINTUS 1:24 - Tanou Moonsoi Timugon

²⁴ Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 KORINTUS 1:24 ပူးပေါင်းရင်းမြစ်များ

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

1 KORINTUS 15:1

Pabukat kau ngaangai', raino masaga' aku mampakara' saguli' ramuyun ra Tanou Moonsoi intor ri Aki Kapuuno' ondo' pinasaboi kuno ramuyun ragili. Ginio inapu min am nangintopot kau ri Kristus sabap ra tanou raginio.

2 KORINTUS 5:7

Nga kiralan ru kaayagan mai ti inimpuun ra pangintapatan, am sala' ka ondo' makito mai ayuk.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

MATIUS 24:49

Io pana tumalimpuun boo mampalamba' ra ulipon-ulipon ra bokon no am mangakan am manginum io ra ulun gagaukon.

1 KORINTUS 3:5

Sotopot no, osoi i Apolos no? Am osoi poyo Aku? Akai ulipon ayuk ri Aki Kapuuno', ondo' nangkimait ramuyun mangintopot ri Kristus. Akai sigagama' maya' ayuk ra ondo' pakandayin ru Tuhan.

ROMA 1:12

Arati' kuno ragitio, pagikangon takau rondo' am bokon ru pangintapatan takau ri Jisus.

2 KORINTUS 11:20

Polosoon min ilo mangulipon, mangingkaut, mamparuung, magasab am mampakauyu' ramuyun.