2 KORINTUS 1:23 - Tanou Moonsoi Timugon

²³ I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 1:23 ပူးပေါင်းရင်းမြစ်များ

RINALATAN 18:1

Iruani' boo ri Paulus Atina am ongoi ra Korintus.

RINALATAN 18:8

Kaa' tingganai ru baloi sambayangan, io no i Krispus am ilo sambaloi, nangintopot ri Jisus. Masuang niayuk ulun Korintus ra bokon nokorongog ra pinasaboi ri Paulus am nangintopot ilo ri Jisus am riniu' ilo.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

1 KORINTUS 4:21

Ati kia rondo' kasagaan min? Masaga' kau kia ra aku mongoi panangit ramuyun kapoam mongoi pangila' ra molomoi am makaasi'?

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 KORINTUS 1:18

Sabap ri Aki Kapuuno' ondo' malansanan toojo, ragu kuno ramuyun kalo makulau ra “Iou” am “Kalo”.

2 KORINTUS 10:2

koson kalo mangkinibit raki' malasang ragu ku ramuyun paat ra aku matong ra maagu no. Sabap ra totopot saukon ku niayuk ginio ra ulun ondo' mindagu ra kiralan ru kaayagan mai sumugut ra ulun ru tana' ti.

2 KORINTUS 11:10

Sabap ra katapatan ri Kristus ondo' intopoton kuno, nambantu' aku ra kolondo' sangulun kon pana ra titikop pagun ru Akaya makapanginga' raki' mindagu koson raginio.

2 KORINTUS 11:11

Kua indagu aku koson raginio? Sabap ra aku kalo motogom ramuyun? Sala'. Nakapandai i Aki Kapuuno' ra motogom aku ramuyun.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 13:2

Paat ra aku minongoi ramuyun ra kainduo i, nampakara' aku toojo ramuyun ngaangai' ra mangukum aku risilo ondo' kalo lumonggo' mambaal ra tula. Raino maalur aku ramuyun, kaa' sagulio' ku poyo, paat ra aku makasuku' ra kaintalu ti kolondo' makapagiru' intor ra pangukuman.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

PILIPI 1:8

I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 TIMOTIUS 1:20

Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.