2 KORINTUS 1:17 - Tanou Moonsoi Timugon

¹⁷ Kabalu' pana kinulau ku noyo ratangan kuno ramuyun, pai' ru koson ra mataki' makulau guang kuno. Paat ra aku mampaguang ra ondo' atangon kuno, mangkara' aku ayuk kia ra kaatangan kuno galama', koson ra sangkinolor mindagu ra “Iou”, am sangkinolor poyo am “Kalo”? Maaru' kalo!

2 KORINTUS 1:17 ပူးပေါင်းရင်းမြစ်များ

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

MATIUS 1:19

I Jusup ti sangulun ondo' masalok mambaal ra motopot, kaa' kalo masaga' io mampakauyu' ri Maria koson mambala' ra ulun masuang. Pamaguangan ri Jusup bukaton no tamung nilono ra kolondo' ulun makatutun.

MATIUS 5:37

Sama' noyo ra akau mindagu ayuk ra ‘Iou’ kapoam ‘Kalo’. Ngaangai' raguon min ra bokon no intor boo ra Tingganai ru riwato.”

JUANIS 8:15

Akau mangakim ra ulun sumugut ra pamaguangan ru ulun; Aku kalo mangakim ra osoi ayuk pana.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 11:18

Masuang toojo ulun lumimbau ra kinaatang nilai giti ra tana' ti, ginio nai ra aku galama' pana masaga' lumimbau.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

1 TISALONIKA 2:18

Makaguang akai noyo mongoi tuum ramuyun, ra kaingkula' ku noyo nangkinam, kaa' inampangan akai ru Tingganai ru riwato no.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

TINGGANAI RU BANSA' 9:4

Nanaak ilo ri Abimilik ra tulu' ngoopor ngampila' ruit pirok intor ra kuil Baal-Birit. Ra ruit raginio nampagaji' i Abimilik ra santimungan ulun malaat koson maguguum riso.