2 KORINTUS 1:10 - Tanou Moonsoi Timugon

¹⁰ Io no niayuk namayag ramon intor ra kapaganan ru kapatayan ondo' makalalaa' no, am masalok mamayag Io poyo ramon; sabap ragitio noyo kalansanan mai toojo Riso.

2 KORINTUS 1:10 ပူးပေါင်းရင်းမြစ်များ

MAZMUR 34:19

Tuhan minggaar ra ulun ondo' maluoi pangkaus; am mamayag Io ra ulun ondo' malawo guang.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 6:16

Ulun naguguum no pana siminaguli' boo am indagu ra raja', “Nakapandai kou ra sumugut ra undang-undang ru Midia am Pirsia, susuban ondo' iningkual ru raja' kalo boo kulawon.”

RINALATAN 26:21

Ginio noyo ra ulun-ulun ru Jaudi namparakop raki' giu' ra Baloi Tuhan am nangkinam ilo pamatoi raki'.

ROMA 15:31

Pakiasi' kano raki' ri Aki Kapuuno' ra ampinin No aku intor ra ulun ondo' kalo mangintopot ra Tuhan giu' ra Judia am ra pangindanganan kuno apuon ru ulun ri Aki Kapuuno' giu' ra Jirusalim.

2 KORINTUS 1:9

Nalimanan mai koson ayuk ra inukum akai noyo ra potoyon. Kaa' sotopot no ginio nasauk, maa' raginio kalo malansan akai ak ra ikang mai galama', kaa' ri Aki Kapuuno' ayuk ondo' mampakaayag ra ulun matoi.

2 KORINTUS 6:9

Karaan akai ra kalo kauligan, kaa' matutunan akai niayuk ru ngaangai' ulun. Masalok akai makauma' ra baal makapatoi, kaa' ilai', maayag akai niayuk. Kabalu' pana imboloon akai, kaa' kalo poyo napatoi.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 SAMUIL 17:37

Namayag noyo Tuhan no raki' intor ra singa' am baawang; Mamayag Io niayuk raki' intor ra ulun ru Palistin no.” Indagu i Saul, “Iou noyo. Ongoi no, gama' ru Tuhan no mabaya' rirun.”

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.