2 TUNUNG RU BANSA' ISRAIL 7:3 - Tanou Moonsoi Timugon

³ Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

2 TUNUNG RU BANSA' ISRAIL 7:3 ပူးပေါင်းရင်းမြစ်များ

2 TUNUNG RU BANSA' ISRAIL 20:21

Pakapansusunur ra mamagun, panusub raja' ra kukula' ngaulun maririmbai maa' raginio mambayang ra ondo' kaindalaman bayangon ra upacara-upacara ru ugama. Ulun-ulun maririmbai no musiti' mugar giu' ra saang ru saujor liliwa' marimbai, “Omporo' noyo Tuhan! Togom Nano mantilayun!”

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

IJRA 3:11

Narimbai ilo ra pangamparan ra Tuhan, am sinaguli' tayar ra rimbai ra pupus toojo, ondo' bolos no koon ragitio: “Tuhan no moonsoi, togom Nano ra Israil mantilayun.” Mamagun maya' magilakup am mongompor ra Tuhan sabap ra batu maatang ru Baloi ru Tuhan pinabanta' noyo.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

1 TUNUNG RU BANSA' ISRAIL 29:20

Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

1 TUNUNG RU BANSA' ISRAIL 16:41

Imam Jadok am imam-imam inindangan ri Giman am Jidutun am niayuk kukula' ngaulun ondo' pinili' koson marimbai ayuk ra rimbai pangamparan ra Tuhan sabap ra togom Nano ondo' mantilayun.

1 RAJA'-RAJA' 18:39

Pakakito ulun raginio ra kasaukan raginio, kubu samba ilo liliwa' mindagu, “Tuhan noyo i Aki Kapuuno'; Tuhan noyo rorondo' i Aki Kapuuno'!”

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 14:5

Kubu boo i Musa am i Arun ra saang ru ngaangai' ulun no.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

1 TUNUNG RU BANSA' ISRAIL 16:34

Paringkuanangan no ra Tuhan, sabap ra Io moonsoi; togom Nano mantilayun.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 106:1

Omporo' noyo Tuhan! Paringkuanang no ra Tuhan, sabap ra Io moonsoi; togom Nano mantilayun.

MAZMUR 107:1

“Paringkuanang kano ra Tuhan sabap ra Io moonsoi; togom Nano mantilayun!”

MAZMUR 118:1

Paringkuanang no ra Tuhan sabap ra Io moonsoi, am togom Nano mantilayun.

2 TUNUNG RU BANSA' ISRAIL 20:18

Kopongo raginio Raja' Josapat igulatur am ngaangai' mamagun pana migulatur nababaya' riso am samba ra Tuhan.

2 TUNUNG RU BANSA' ISRAIL 29:28

Moonong ulun ra giu' no maya' sumambayang, ulun-ulun maririmbai no marimbai, am ulun-ulun mangkuli ra miujik narayus nangkuli saboi ngaangai' taak simbalui nakai' sinolob.

2 TUNUNG RU BANSA' ISRAIL 29:29

Kopongo raginio Raja' Gijkia am ngaangai' mamagun migulatur am samba ri Aki Kapuuno'.

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.