2 TUNUNG RU BANSA' ISRAIL 4:2 - Tanou Moonsoi Timugon

² Nambaal io niayuk rondo' tangki' mapungol intor ra gangsa'; landom no 2.2 ngamito, garis ru tatanga' no 4.4 ngamito, am liput no 13.2 ngamito.

2 TUNUNG RU BANSA' ISRAIL 4:2 ပူးပေါင်းရင်းမြစ်များ

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

2 RAJA'-RAJA' 25:13

Nangumok ulun ru Babilonia ra lugu'-lugu' gangsa', tangki' gangsa' am ngaangai' kurita' kuda ondo' soroi giu' ra Baloi ru Tuhan. Inibit nilo ngaangai' gangsa' no ra Babil.

2 TUNUNG RU BANSA' ISRAIL 4:3

Tampilon ra liwar ra liput ru tangki' no binungaan ra ruo ngambaris gambar ru sapi' gawayan ondo' binaal nababaya' ra tangki' no.

KAINGKUALAN 38:3

Pambaal io niayuk ra ngaangai' kuliamos ru altar no: Paliuk, sukup, mangkuk, garapu' am intok ru apui. Pambaal io ra ngaangai' kuliamos no intor ra gangsa'.

KAINGKUALAN 38:8

Pambaal io rondo' bisin am antulan no intor ra saramin gangsa' ondo' tinaakan ru bala ruandu' ondo' mangandoi giu' ra kulobon umpasan ra Kim ru Tuhan.

1 TUNUNG RU BANSA' ISRAIL 18:8

Suai raginio Raja' Daut niayuk nangalap ra masuang kaga' tambaga' intor ra Tibhat am Kun, bandar-bandar ondo' ragili kinuasa' ru Raja' Gadadijir. (Paat ra orou tauli, tambaga'-tambaga' pinakai ru Raja' Salomo koson nambaal ra tangki', lugu'-lugu', am kuliamos ru sambayang giu' ra Baloi ru Tuhan.)