2 TUNUNG RU BANSA' ISRAIL 2:3 - Tanou Moonsoi Timugon

³ Nangator Raja' Salomo ra tanou ra Raja' Giram intor ra Tirus, “Pakimagamung raki' ra pantalanan koson ra okou nakimagamung ra pantalanan ra ama' kuli, Raja' Daut. Nantalan kou riso ra tataun sidar paat ra io nambaal ra istana nali.

2 TUNUNG RU BANSA' ISRAIL 2:3 ပူးပေါင်းရင်းမြစ်များ

1 TUNUNG RU BANSA' ISRAIL 14:1

Raja' Giram intor ra Tirus nanusub ra duta-duta nano mongoi ra Raja' Daut, am nangator niayuk ra tataun sidar, ulun manukang ra tataun, am niayuk ulun manukang ra batu koson mambaal ra istana.

2 SAMUIL 5:11

Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

KAINGKUALAN 25:30

Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

KAINGKUALAN 29:38

“Moonong orou saboi ra mantilayun, musiti' kou mapataak ruo ngainan anak domba makaumur sambilor koson taak simbalui ra rasawat ru altar no.

KAINGKUALAN 29:39

Musiti' sanginan anak domba pataakon tampilon ra susuab ti am sanginan poyo tampilon ra mai' ti.

KAINGKUALAN 29:41

Pataakon boo anak domba ondo' karuo tampilon ra mai'. Pabayaan ra anak domba no, pataakon tapung gandum, umau jaitun am wain ondo' suang no nogondo' koson ra tampilon ra susuab ti. Ginio noyo taak akanon Raki', Tuhan am owou no mapabansuk ra guang Kuno.

KAINGKUALAN 30:7

Moonong susuab ti, paat ra tomposon ri Arun lampung no, musiti' no solobon kaminyan maamis owou ra rasawat ru altar no.

IMAMAT 9:17

Pataako' no taak simbalui koson paringkuanangan, am alap ra sogonggom tapung am solobo' no ginio giu' ra rasawat ru altar. Taak simbalui ti iono paruangon ra taak simbalui koson mapabansuk ra guang ru Tuhan, ondo' pataakon ra moonong orou.

IMAMAT 23:2

ri Musa ra aturan ragitilo intor ra pangiantakan ru ugama ondo' musiti' potonowon ra koson paat sumambayang.

UNTABAN 28:9

Paat ra orou Sabat, pataako' ruo ngainan domba gawayan ondo' umur no sambilor am kalo najamaran, pabayaan ra ruo ngakilogram tapung moonsoi kaga' latakin ra umau jaitun tayar ru taak simbalui koson paringkuanangan am niayuk taak simbalui wain.

UNTABAN 28:11

Papataak noyo ra taak simbalui koson mapabansuk ra guang ru Tuhan paat ra orou kasaa' ra moonong sila', ondo' ginio ruo ngainan sapi' gawayan mamulok, sanginan domba gawayan, tulu' ngainan anak domba gawayan ondo' umur no sambilor am kalo najamaran.

2 TUNUNG RU BANSA' ISRAIL 4:19

Nanusub niayuk Raja' Salomo ra ulun mambaal ra kuliamos mas ra Baloi ru Tuhan: altar am mija' ru ruti' ondo' pataakon ri Aki Kapuuno';

2 TUNUNG RU BANSA' ISRAIL 8:13

Nampataak io ra taak simbalui koson mapabansuk ra guang ru Tuhan sumugut ra kaulayan ru Ukum ri Musa ra moonong pangiantakan ondo' inaru': orou Sabat, Pangiantakan ra Sila' Bagu, am talu poyo pangiantakan ru kabilaran, iono Pangiantakan ra Ruti' Kalo Linatakan ra Ragi, Pangiantakan Mangkumos am Pangiantakan Mangkalukub ra Raun.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

2 TUNUNG RU BANSA' ISRAIL 24:14

Kopongo boo ngaangai' kandoi no, suwo ru mas am pirok no pinataak ra raja' am i Joyada. Mas am pirok no pinakai koson mambaal ra kuliamos-kuliamos ra Baloi ru Tuhan: kuliamos-kuliamos koson upacara sambayang am koson ra taak simbalui koson mapabansuk ra guang ru Tuhan, am niayuk mangkuk-mangkuk, am niayuk kuliamos-kuliamos ra bokon. Buoi ri Joyada naayag, taak simbalui koson mapabansuk ra guang ru Tuhan masalok pataakon giu' ra Baloi ru Tuhan.

IJRA 6:3

“Paat ra bilor kasaa' ra pamarintaan ru Raja' Koris, nangani' io ra susuban maa' raginio Baloi ru Tuhan giu' ra Jirusalim baalon saguli', koson ra intok ru ulun magibit ra taak am monolob ra taak simbalui. Sawat ru Baloi no musiti' 27 ngamito am pila' no 27 ngamito.

NIGIMIA 10:34

Moonong bilor akai mamagun ru Israil, imam-imam am ulun-ulun ru Liwi magugundi' koson mangaru' ra bansa' ra ati ondo' musiti' mangalap ra luton koson monolob ra taak simbalui ondo' pataakon ra Tuhan, i Aki Kapuuno' mai, sumugut ra aturan ru Taurat.