1 TISALONIKA 5:24 - Tanou Moonsoi Timugon

²⁴ I Aki Kapuuno' noyo mampiau ramuyun, am Io no makapambaal raginio sabap ra Io totopot malansanan.

1 TISALONIKA 5:24 ပူးပေါင်းရင်းမြစ်များ

2 RAJA'-RAJA' 19:31

Giu' ra Jirusalim am niayuk giu' ra Bulur Sion mokoondo' ra ulun ondo' maayag, sabap ra Tuhan nangaru' noyo ra baal ragitio masauk.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 138:2

Migulatur aku tumingkuang ra Baloi Muno ondo' matulai liliwa' mongompor ra inggalan Muno, sabap ra Okou ti magagaya' am togom Muno mantilayun, am nanulu' Kou noyo ra inggalan Muno am bala' Muno matulai.

MAZMUR 146:6

Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 36:5

Mangatang ilo ra malaat bulintok miluluya' ra katil; kolondo' baalon nilono ra moonsoi, am kalo igondo' ilo panatang ra atan-atan malaat.

MAZMUR 40:10

Ralalom pantimungan ru ulun Muno tunungon kuno tanou moonsoi ra Okou namayag ramon. Kalo langgain ku tunung kuno. Iou Tuhan, ngaangai' no napandayan Mu noyo.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 89:2

Iou Tuhan, kalo langgain ku marimbai ra togom Muno ra mantilayun; potonowon ku gagaya' Muno ra sabuoi-buoi no.

MAZMUR 92:2

Kula' piboo bobonsoi ra maringkuanang Rirun, iou Tuhan, marimbai koson mongompor ri Aki Kapuuno' Ondo' Masawat Kaga',

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 37:32

Giu' ra Jirusalim kapoam giu' ra Bulur Sion mokoondo' ulun nabayag sabap ra Tuhan Ondo' Maayo Kaga' Kuasa' noyo nangaru' ra baal ragitio masauk.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

SULABOI 3:23

masalok baguon ra moonong susuab ti, sotopot no Io mampagagaya'!

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

MATIUS 24:35

Limbowon am tana' ti mapuso, kaa' ragu Kutu mantilayun.”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

2 TIMOTIUS 2:13

Kabalu' pana kalo mampagagaya' takau Riso, intopoton No bantu' Nali ritakau, sabap ra kalo noyo maungga' bantu' Nano.”

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”