1 TISALONIKA 5:21 - Tanou Moonsoi Timugon

²¹ Ngaangai' ru atan ayuk baal ilain min galing, am ondo' moonsoi no ginio suguton min.

1 TISALONIKA 5:21 ပူးပေါင်းရင်းမြစ်များ

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

AMSAL 4:13

Kasalok no mangkara' ra pangilaan ondo' pinataak kuno rirun. Tagami' pangilaan kuno sabap ra pangilaan raginio magibit ra ampos ru kaayagan muno.

RIMBAI PANGAMPARAN 3:4

Kakalikar ku ayuk nangiruan risilo, katuum ku ambai kuno. Gapuso' ku io am kalo boo labusin ku, saboi inibit ku io minuli' ra baloi ru ina' kuno, ra lamin ri ina' ondo' naganak raki'.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

LUKAS 12:57

“Kua pai' kau pakapandai ra atan motopot baalon min?

JUANIS 15:4

Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

JUANIS 8:31

Kopongo ragili indagu boo i Jisus ra ulun ru Jaudi ondo' nangintopot Riso, “Amon ru gumagaya' kau toojo ra pangilaan Kuno, totopot akau no maamaya' Kuno.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

1 KORINTUS 2:11

Koson ra guang ru sasangulun, io galama' ayuk makapandai ra guangon nano. Nogondo' niayuk ri Aki Kapuuno', Ambiluo Nano galama' ayuk makapandai ra ngaangai' ru guangon Nano.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

IPISUS 5:10

Pirot kano maguyum ra atan ondo' mampakatasu' ra guang ru Tuhan.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

PILIPI 3:16

Baalo' takano maya' ra katapatan ondo' inila' noyo ritakau.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 TISALONIKA 5:22

Inggalur kano ra atan ayuk baal malaat.

2 TISALONIKA 2:15

Ginio sabap ra, pabukat kau ngai', pirot kano pangintopot am suguto' noyo pangilaan maili ramuyun, iou pana ondo' rinagu kapoam tinulisan mai ra surat.

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 3:6

Mokoondo' intor risilo ti mongoi ra baloi-kabaloi koson mamunduk ra guang ru ruandu' ondo' masuang tula am ondo' kinuasa' ru nansalinut kalaayan ru guang.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

IBRANI 10:23

Ginio ra pirot takano mampaguut ra kalansanan takau, sabap ra totopot suguton ri Aki Kapuuno' atan ondo' binantu' Nali.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

PINAINTALANG 2:2

Nakapandai Aku atan noyo binaal mino; nakapandai Aku ra mumpara' boo pirot min mangandoi am ati koson ra akau tumaan paat imboloon. Nakapandai Aku ra kalo mangapu kau ra ulun malaat. Am kininaman min noyo ilo ondo' migiangku ra rasul saboi napandayan min ilo ti ra maabau-abau.

PINAINTALANG 2:25

Kaa' guuto' min noyo pangintapatan mino Raki' saboi ra Aku matong.

PINAINTALANG 3:11

Kalo boo mabuoi am matong Aku! Alungi' noyo ondo' soroi poyo ramuyun no, maa' raginio kalo matakou ru ulun bokon ampos ru kamanangan mino.

PINAINTALANG 3:3

Karaa' atan ondo' inila' ra galing i ramuyun am atan ondo' rinongog min. Gagayaa' noyo gitio am talikur no intor ra tula mino. Amon ru kalo kumarat kau, matong Aku ramuyun koson ra mantatakou no am kalo mapandayan min sanggilan ratangan Kuno.