16 Kasalok kano pakaansuk
Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”
Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”
Ginio ra indagu ilo, “Tuan, kasalok no pangani' ramon ra ruti' raginio.”
Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.
Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.
Gama' ru masalok kau makaansuk sumimpung ra Tuhan. Sagulion ku poyo; pakaansuk kano!
