1 TISALONIKA 5:15 - Tanou Moonsoi Timugon

¹⁵ Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 TISALONIKA 5:15 ပူးပေါင်းရင်းမြစ်များ

KASAUKAN 45:24

Pintari' ilo ri Jusup, am tatanga' ilo mugar, indagu i Jusup risilo, “Pai' kau pansasangor ra pangkiralanan.”

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

MAZMUR 7:4

Iou Tuhan, i Aki Kapuuno' kuno, amon ru igondo' aku mambaal ra malaat, amon ru simbaalin ku rangan kuno, kapoam potoyon ku pantula' ra kolondo' sasaban,

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

AMSAL 20:22

Kalaatan pai' balasi' ra kalaatan; pangintopot no ra Tuhan am mangindangan Io ramuyun.

AMSAL 24:17

Pai' pakaansuk bulintok ra pantula' muno matiu' ra karaat, am pai' pakakurit amon maratu' io.

AMSAL 24:29

Pai' indagu, “Balasin ku io atan ondo' binaal nali raki'!”

AMSAL 25:21

Amon ru pantula' mino maitilan, paakano' ilo; amon ru pinaason, painumo' ilo.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

RINALATAN 16:28

Kaa' golok boo i Paulus ra mosongou, kono, “Pai' pantuwo! Akai ngaangai' lakat ayuk poyo ragiti!”

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

1 KORINTUS 14:1

Pirot kano motogom ra ulun bokon. Gogoto' min niayuk taak intor ra Ambiluo ri Aki Kapuuno', mulu' poyo ra kasagaan koson mampasaboi ra bala' intor ri Aki Kapuuno'.

1 KORINTUS 16:10

Amon ru mongoi i Timotius ramuyun, umaa' min io ra moonsoi, maa' raginio maansayan io mayan ramuyun, sabap ra io pana koson niayuk raki', ra mangandoi io ra Tuhan.

1 KORINTUS 6:7

Sotopot no pansasangaran koson raginio, nasalingai' kau boo mampakito ra pangintapatan malawo. Mulu' bonsoi ru akau kalaatin kapoam gaawin intor ra akau mantatagi' ra rondo' am bokon.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

IPISUS 5:15

Ginio ra ilai' min toojo ati kulaan baal ru kaayagan mino. Pai' kau koson ra ulun bungas, kaa' kapintar kano.

IPISUS 5:33

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

SAGULION 16:20

Akau musiti' magail matimpok am kalo magimbas, maa' raginio makaayan kau ra tana' ondo' pataakon ramuyun ru Tuhan i Aki Kapuuno' min, am magulayun kau mayan ra giu' no.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TISALONIKA 5:21

Ngaangai' ru atan ayuk baal ilain min galing, am ondo' moonsoi no ginio suguton min.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:24

Kalo noyo moonsoi ulipon ru Tuhan no makapaliso makimansangor. Kaa' sotopot no moonsoi masamba io ayuk ra ngaangai' ulun, am sumauk ra mangingila' ra moonsoi ondo' mataan guang.

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 2:17

Urumato' noyo ngaangai' ulun am tagami' noyo pabukat mino ra Kristian. Kalaa' kano ri Aki Kapuuno' am urumato' noyo i Kaisar.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 22:9

kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.”

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.