1 TISALONIKA 4:3 - Tanou Moonsoi Timugon

³ Sabap ra masaga' i Aki Kapuuno' ra kaayagan mino mapasau, ginio ra inggalur kano ra baal ru pansasawaan.

1 TISALONIKA 4:3 ပူးပေါင်းရင်းမြစ်များ

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

IMAMAT 15:18

Mopongo marulug, musiti' ungkuyon am poyo ruandu' mariu', am magulayun ilo majamol saboi tumolop mato ru orou.

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 5:32

Kaa' raino ti balain takamin: Osoi ayuk pana mangali ra andu' nano, kaa' ondo' ayuk ra io lumapau, io ti mangkinibit ra andu' nali lumapau amon ru mangindalaki io poyo. Ungkuyon ondo' manangandu' ra ruandu' i niayuk makaaya' ra baal lumapau.”

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

MARKUS 3:35

Osoi ayuk mambaal ra kasagaan ri Aki Kapuuno', io no pongkotob Kuno ra ungkuyon, io no pongkotob Kuno ra ruandu', io no ina' Kuno.”

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 7:2

Kaa' koson kalo makinibitan kau ru paliso pansasawaan, moonsoi poyo ru moonong ungkuyon makaandu' sigagama' am niayuk moonong ruandu' makaralaki sigagama'.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

GALATIA 5:19

Kinibit ru paliso ru ulun nauligan noyo: Ioginio baal ru pansasawaan, baal majamol am baal makauyuyu';

IPISUS 5:17

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

IPISUS 6:6

Pai' gagaya' ayuk paat ra akau tainuin, koson ra makiompor kau ayuk risilo. Kaa' suguto' min noyo toojo ra kasagaan ri Aki Kapuuno', koson ulipon kau ri Kristus.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

1 TISALONIKA 4:2

Sabap ra napandayan min ra nanuluan maili ramuyun intor noyo ra kuasa' ru Tuhan Jisus.

1 TISALONIKA 4:4

Moonong ungkuyon musiti' mapandai ati kulaan mangurumat ra andu' nano, bagu ginio mapabansuk ra guang ri Aki Kapuuno' am poyo ra ulun.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.

1 JUANIS 2:17

Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.