1 TISALONIKA 4:14 - Tanou Moonsoi Timugon

¹⁴ Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

1 TISALONIKA 4:14 ပူးပေါင်းရင်းမြစ်များ

KASAUKAN 49:19

“I Gad ongoyon bulunsaro' ru ulun-ulun mantatakou, kaa' tumbalikon no ilo takawi'.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JAKARIA 14:15

Rondo' maruol ondo' masaran niayuk makalumpa' ra kuda, baghal, unta am kaladai, am niayuk ngaangai' bibiag giu' ra intok nangkiman ru pantula'.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

ROMA 14:9

Ginio ra i Kristus minatoi am naayag saguli' koson masauk ra Tuhan ru ulun maayag am ulun namagatoi.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

1 TISALONIKA 4:17

Itakau boo ondo' maayag ayuk poyo paat raginio kayangon maya' ra gaun mababaya' risilo, mongoi tuum ra Tuhan giu' ra limbowon. Itakau pana masimpung boo ra Tuhan ra sabuoi-buoi no

2 TISALONIKA 2:1

Koson ra ratangan ru Tuhan takau, i Jisus Kristus, am pantimungan takau mongoi simpung Riso, pabukat kau ngai' kitaakon takamin:

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”