1 TISALONIKA 4:13 - Tanou Moonsoi Timugon

¹³ Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

1 TISALONIKA 4:13 ပူးပေါင်းရင်းမြစ်များ

KASAUKAN 37:35

Ngaangai' anak ungkuyon am anak ruandu' nano minongoi panimayo riso, kaa' marara' io simoyoon. Indagu io, “Mangulir aku ra anak kuli saboi ra aku matoi.” Pangungulir io ra anak nali i Jusup.

2 SAMUIL 18:33

Kopongo nokorongog ra tanou raginio mangiluk kaga' raja', am pagaloi ra guang giu' ra rasawat ru kulobon garabang liliwa' nanulaboi, “Alii ra anak kuli! Alii ra anak kuli i Absalom! I Absalom, anak kuli! Moonsoi poyo ra aku ondo' minatoi namalit rirun, anak kuno! I Absalom, anak kuno!”

1 RAJA'-RAJA' 1:21

Amon ru kalo mamatas kou raginio, maaru' ra okou kakapatoi no, i Salomo, anak ungkuyon muno am aku ti uwin ra manumbalik.”

1 RAJA'-RAJA' 2:10

Raja' Daut minatoi am linobong giu' ra Bandar Daut.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

DANIL 12:2

Masuang ulun ondo' minatoi maayag saguli': mokoondo' ondo' makasia' ra kaayagan mantilayun, mokoondo' poyo ondo' maimbolo' ra mantilayun.

IMAMAT 19:28

Pai' baliso' kungkung muno, kapoam pilato' inan muno koson ra tatandu' mangulir ra ulun matoi. Aku noyo Tuhan.

IMAMAT 21:2

ondo' ak am ulun matoi no ina' nano, ama' nano, anak ungkuyon nano, anak ruandu' nano, pabukat ungkuyon nano,

MATIUS 27:52

Lobong-lobong nangaukab am masuang ulun ri Aki Kapuuno' ondo' minatoi binayag saguli'.

JUANIS 11:24

Kon ri Marta, “Iou, makapandai aku i Lajarus bayagon saguli' paat ra ulun namagatoi paluaton ra Orou Pupus.”

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

RINALATAN 8:2

Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

1 KORINTUS 10:1

Pabukat kau ngaangai', masaga' aku mampakara' ramuyun ra ondo' nasauk ra kinamatuaan takali paat ra nangkiralanan nilai mabaya' ri Musa. Ngaangai' nilo kinulumput ru gaun am namuntana' liminaup ra Raat Malia' i.

1 KORINTUS 12:1

Raino mambala' aku ati kulaan taak intor ra Ambiluo ri Aki Kapuuno'. Pabukat kau ngaangai', masaga' aku ra akau makatutun toojo ra atan sotopot no taak raginio.

1 KORINTUS 15:6

Kopongo ragili igondo' Io po minintalang ra maamaya' Nano ondo' suang olo'-olo' limo ngaatus ngaulun. Kasuangan nilono lakat ayuk poyo maayag, kaa' kukula' ngaulun minatoi noyo boo.

2 KORINTUS 1:8

Pabukat kau ngaangai', masaga' akai ra makaintutun kau ra kapaganan ondo' nailian mai giu' ra pagun Asia, najanjayan am maagat toojo, saboi kolondo' boo kalansanan mai maayag.

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

1 TISALONIKA 4:15

Gitio noyo pangilaan ru Tuhan ondo' posoboyon mai ramuyun: Paat ri Tuhan Jisus matong saguli', itakau ondo' lakat ayuk poyo maayag paat raginio kalo noyo sumigulu ra ulun-ulun namagatoi.

1 TISALONIKA 5:10

Minatoi Io mamayag ritakau, koson paat ra ratangan Nano itakau ngaangai' maayag sumimpung Riso, iou pana lakat takau ayuk poyo maayag kapoam minatoi noyo.

1 TISALONIKA 5:6

Ginio ra pai' takano pombobolong ayuk koson ra ulun bokon no, kaa' ilalain am masalok takano tumampos.

2 PITRUS 3:4

Konilo ra, “Bantu' ru Tuhan ra matong Io saguli'. Ati Io? Kalio nai. Kinamatuaan takali namagatoi noyo, kaa' ngaangai' ti mogondo' ayuk koson ra talimpuun i, paat ra tana' ti biningkal!”

2 PITRUS 3:8

Kaa' pabukat kau ngai' ondo' tagamin ku, pai' min liliani' gitio, songorou ra pangkaraan ru Tuhan mogondo' ayuk ra buoi saribu ngambilor am saribu ngambilor mogondo' ayuk ra buoi songorou; karuruo no mogondo' ayuk Riso.