1 TISALONIKA 3:6 - Tanou Moonsoi Timugon

⁶ Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.

1 TISALONIKA 3:6 ပူးပေါင်းရင်းမြစ်များ

AMSAL 25:25

Makaapu ra tanou moonsoi intor ra intok maalur koson ayuk ra manginum ra timug masalui bulintok pinaason.

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

RINALATAN 18:1

Iruani' boo ri Paulus Atina am ongoi ra Korintus.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

1 KORINTUS 13:13

Pupus no, ondo' pantilayunon am talu ringai': mangintopot ri Kristus, malansan ri Aki Kapuuno' am motogom ra ulun bokon. Ondo' maatang toojo intor ra katalu-talu, io no motogom ra ulun bokon.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

PILIPI 1:8

I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

KOLOSI 1:4

Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

KOLOSI 4:18

Aku no galama' manulis ragitio: Bilin kaansayan intor raki', i Paulus. Pai' liliani' ra kapaganan kutu ra lakat aku ayuk poyo aputon! Gama' ru i Aki Kapuuno' mambarakat ramuyun.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 2:17

Pabukat ku ngai', intor ra itakau nakapantuliar, maayo guang mai tumuum poyo ramuyun am moondom toojo guang maiti ramuyun, maalur kau pana ra mato, mamaar ayuk ra guang.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TISALONIKA 3:7

Pabukat ku ngai', ginio noyo ondo' nampaikang ra guang maiti, iou pana nakatuum akai ra kapaganan am kaimbalaan. Pangintapatan minti noyo nampaikang ra guang mai,

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

PILIMON 1:5

Sabap ra mokoondo' noyo naining kuno intor ra pangintapatan muno ra Tuhan Jisus Kristus am poyo togom muno ra ngaangai' ulun ri Aki Kapuuno'.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.