1 TISALONIKA 3:5 - Tanou Moonsoi Timugon

⁵ Ginio ra nompoongoi aku ri Timotius sabap ra kalo boo moorot guang kuli am masaga' aku mintutun ra ati kulaan ru pangintapatan min. Maimamang aku ra maampon lair rinukuan kau ru pangkinaman ru Tingganai ru riwato, suku' kolondo' boo ampos ru kandoi maili ramuyun.

1 TISALONIKA 3:5 ပူးပေါင်းရင်းမြစ်များ

JISAYA 49:4

Kaa' mindagu aku, “Bagui kuno kolondo' ampos; kinai' ku ikang kuno ra namuta' ayuk!” Kaa' mangintopot aku ra saungon aku ru Tuhan; balasin aku ri Aki Kapuuno' sumugut ra binaal kuno.

DANIL 6:19

Kopongo raginio saguli' raja' ra istana, kaa' rondom raginio kalo nokororot io. Kalo nangakan io am kalo masaga' simoyoon.

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

2 KORINTUS 2:11

Maa' raginio kolondo' kaluagan ru Tingganai ru riwato manguasa' ritakau; sabap ra nakapandai takau no ra atan ondo' atangon nano.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

GALATIA 4:11

Maimamang aku ramuyun ra ati lair ngaangai' atan ondo' pinirot kuno kondoyo' koson ramuyun, kolondo' onong?

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

PILIPI 2:19

Malansan aku ra ralalom indangan ru Tuhan Jisus, poongoyon ku i Timotius ramuyun ra mataki' koson tanou mino mampaikang boo ra guang kuno.

1 TISALONIKA 2:1

Pabukat ku ngai', akau galama' makapandai ra rinatangan maili ramuyun pai' ru kolondo' ampos.

1 TISALONIKA 3:6

Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.