1 TISALONIKA 3:2 - Tanou Moonsoi Timugon

² liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

1 TISALONIKA 3:2 ပူးပေါင်းရင်းမြစ်များ

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

RINALATAN 16:5

Intor ra raginio, pangintapatan ru ulun Kristian pana pinaikang poyo toojo, am orou koorou sumuang ilo poyo.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

ROMA 16:21

I Timotius, rangan kuno mangangandoi, mampasaboi ra bilin kaansayan nano ramuyun. Kon niayuk i Lukius, i Jason am i Sosipatir, rangan-rangan ku ra Jaudi no.

1 KORINTUS 3:10

Maya' ra kapintaran ondo' pinataak ri Aki Kapuuno' raki', aku noyo nambaal ra turungan ru lugu' am ulun boo ra bokon manunggul panambaloi. Kaa' musiti' pagilalain ru moonong ulun ati kulaan io manunggul ra kandoi ti.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 KORINTUS 1:19

Sabap ri Jisus Kristus, Anak ri Aki Kapuuno', ondo' pinatanou mai ramuyun, ioginio aku, i Silas am i Timotius, kalo noyo makulau ra “Iou” am “Kalo”. Kaa' sotopot no Io no taaman “Iou” intor ri Aki Kapuuno'.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

2 KORINTUS 2:13

Kaa' guang ku nagalabo toojo, sabap ra kalio natuum ku i Titus, pabukat takau ra Kristian. Ginio ra tatango' ku ulun-ulun Troas koson manunggul ra pangkiralanan ku ra pagun Makidonia.

2 KORINTUS 8:23

I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.

PILIPI 1:25

Am gitio noyo kapandayan am kalansanan kutu ra lakat aku po niayuk sumoroi mabaya' ramuyun, maa' raginio pangintapatan min maikang boo mabaya' ra kaansukan.

KOLOSI 1:1

Aku i Paulus, sangulun rasul ondo' mampasaboi ra tanou ri Jisus Kristus am poyo i Timotius, pabukat takau ra Kristian.

KOLOSI 1:7

Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

KOLOSI 4:9

I Onisimus poyo sumambaya' ri Tikikus. Akau niayuk ra ulun. Io sangulun kalansanin am tagamin mai. Ilo karuo ti noyo mambala' ramuyun ra ngaangai' ondo' masauk ragiti.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 3:5

Ginio ra nompoongoi aku ri Timotius sabap ra kalo boo moorot guang kuli am masaga' aku mintutun ra ati kulaan ru pangintapatan min. Maimamang aku ra maampon lair rinukuan kau ru pangkinaman ru Tingganai ru riwato, suku' kolondo' boo ampos ru kandoi maili ramuyun.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.