1 TISALONIKA 2:9 - Tanou Moonsoi Timugon

⁹ Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TISALONIKA 2:9 ပူးပေါင်းရင်းမြစ်များ

2 RAJA'-RAJA' 6:2

Iowo' akai mongoi pantagar ra tataun mamaar ra Sungoi Jordan, maa' raginio makapanambaloi akai ra intok ayanan ra giu' no.” Taam i Ilisa, “Iou noyo.”

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

NIGIMIA 5:18

Moonong orou mamakai aku ra balanja' kuno galama', sanginan sapi', onom ngainan domba ondo' moonsoi kaga', am masuang kaga' manuk sinimbalui. Suai raginio, moonong mopor ngoorou mambaal aku ra wain bagu. Kabalu' pana raginio, kalo nangalap aku ra elaun ru gabenor sabap ra nakapandai aku ra sinaanan ru mamagun maagat noyo kaga'.

MAZMUR 32:4

Orou rondom inukum Mu aku, iou Tuhan; kolondo' boo lulu' kuno koson ra bolobou napua' ra lasu' ru mato ru orou.

MAZMUR 88:1

Rondo' rimbai. Mazmur ru bansa' ri Kora. Pataakon ra tingganai ru santimungan maririmbai. Maya' ra rimbai ri: Magalat Liyanot. Sisindiron ri Giman, ulun ru Ijragi.

AMSAL 31:18

Nakapandai io kandoi raginio makaampos toojo, am mangandoi io saboi malandaman.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

RINALATAN 18:3

am siminimpung risilo, sabap ra nogondo' ayuk kondoyon nilo, koson mambaal ra kim.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 20:31

Ilalai' min! Karaa' min ra buoi talu ngambilor orou rondom aku nangila' ra moonong ramuyun mabaya' ra lomou.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

1 KORINTUS 4:12

mirot akai mangandoi maguyum ra balanja' mai galama'. Paat ra akai simbaalin ra ragu, ruliin mai ra barakat; paat ra akai imboloon, oroton mai ayuk;

1 KORINTUS 9:15

Kabalu' pana koson raginio, kalo poyo igondo' ku pasalulaa' kuasa' raginio koson makitaak ra atan ayuk pana. Am raino pana, aku nanulis ra surat ti, sala' ka mapasalula' aku ra rondo' pakitaakan. Moonsoi poyo matoi aku galing ka matatakan ra kaansukan kutu raginio.

1 KORINTUS 9:18

Ginio poyo, atan kia ampos raki'? Gitio noyo ampos ti: makapampasaboi aku ra Tanou Moonsoi am kalo mantipagon ra ulun bokon mampaakan raki'. Sabap ra koson sangulun mampatanou ra Tanou Moonsoi no, kalo gogoton ku atan-atan poboloson.

1 KORINTUS 9:4

Kua? Makaapu aku ra akanon am inumon sabap ra kandoi kutu.

2 KORINTUS 11:27

Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

2 KORINTUS 11:9

Kalo igondo' aku pantipagon ramuyun, kabalu' pana ragili kolondo' ruit kutu; pabukat Kristian ondo' minatong intor ra pagun ru Makidonia noyo nangindangan pangani' ra atan ondo' kalo maukop raki'. Intor poyo ragili am suku' ra orou matong pana kalo noyo mantipagon aku ramuyun!

2 KORINTUS 6:5

lalambaan akai, aputon akai, uupin akai, pongondoyon akai boo ra maagat, maitilan am malukou akai.

PILIPI 4:16

Am poyo ra aku soroi ra bandar Tisalonika, mokoondo' ingkukula' kano nangator raki' ra kaukapan, ioginio ruit pangindangan.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TISALONIKA 2:6

Kalo noyo igondo' akai pakiompor ra osoi ayuk pana, intor kia ramuyun kapoam ulun ra bokon,

1 TISALONIKA 3:10

Orou rondom akai makiasi' mabaya' ra kinapirot ru guang mai, koson makapantuum takau poyo am makapampasingkot akai poyo ra atan ondo' kalo poyo naila' ramuyun intor ra pangintapatan min ri Kristus.

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 TIMOTIUS 5:5

Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.