1 TISALONIKA 2:6 - Tanou Moonsoi Timugon

⁶ Kalo noyo igondo' akai pakiompor ra osoi ayuk pana, intor kia ramuyun kapoam ulun ra bokon,

1 TISALONIKA 2:6 ပူးပေါင်းရင်းမြစ်များ

ESTER 1:4

Buoi onom ngansila' raja' no nampatalang ra kalangkayaan ru istana nano, am kinoonsoi am kinaayo ru pamarintaan nano.

ESTER 5:11

Liminimbau i Gaman ra saang nilo – mapara' boo langkaya' nano, mapara' boo suang ru anak ungkuyon nano, mapara' boo kinaatang ru intok ondo' inapu no intor ra raja', am sawat ru pangkat nano intor ra pagawai ra bokon.

AMSAL 25:27

Masuang akan ra ruu' maningot kalo moonsoi; ianga' makiunsu' pana kalo moonsoi.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

JUANIS 12:43

Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 5:41

“Kalo makiompor Aku ra ulun.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

1 KORINTUS 11:9

Am ungkuyon kalo niayuk inangun koson kaatangan ru ruandu', kaa' ruandu' inangun koson kaatangan ru ungkuyon.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

GALATIA 6:13

Kaa' ulun ondo' manginsugut ra kaulayan ru sunat no pana kalo magagaya' nilo ngaangai' Ukum ri Musa. Kabalu' pana raginio, masaga' ilo niayuk sunatin kau, maa' raginio lumimbau ilo ra ginagaya' min kaulayan raginio.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.