1 TISALONIKA 2:5 - Tanou Moonsoi Timugon

⁵ Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 TISALONIKA 2:5 ပူးပေါင်းရင်းမြစ်များ

AYUP 16:19

Mokoondo' Manaung raki' giu' ra suruga' ondo' mangani' ra sasi' ra kolondo' tula kuno.

AYUP 17:5

Sumugut ra ragu amsal, osoi ayuk manumbalik ra rangan sabap ra makimauli', anak nano galama' makaapu ra pambalos.

AMSAL 20:19

Ulun masalok mangalimut kalo makapampauli ra inopot, pai' pakimangkubayau ra ulun ondo' masuang ragu.

AMSAL 26:28

Magabau ra ulun nogondo' niayuk masisang riso. Kabang maamis ra kalo motopot mangkinibit ra kapatayan.

AMSAL 28:23

Ulun mansawai pupus nano urumaton poyo ka ulun mongompor.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

JISAYA 56:11

Koson ilo ra uku' moroot ondo' kalo maasug-asug. Tingganai-tingganai raginio kalo makarati'. Sigagama' mambaal ra kasagaan ru guang am maguyum ra kalabaan nano galama'.

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

2 KORINTUS 12:17

Ati kulaan? Igondo' aku kia pangingkaut ramuyun mansail ra giali ondo' pinoongoi ku ramuyun i? Kalo!

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

2 KORINTUS 7:2

Ukabo' noyo guang min ramon. Kalo igondo' akai pakasala ra osoi ayuk pana, kapoam nampalayau ra sangulun pana, am kolondo' sangulun kon rinuung mai.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

1 TIMOTIUS 3:8

Mangingindangan ra pasimpungan ulun Kristian musiti' makapaliso ra moonsoi am mabanis guang; kalo gagaukon kapoam kalo maringkumaa' ra kalangkayaan.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.