1 TISALONIKA 2:4 - Tanou Moonsoi Timugon

⁴ Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

1 TISALONIKA 2:4 ပူးပေါင်းရင်းမြစ်များ

1 RAJA'-RAJA' 8:39

rongogo' noyo pakiasian nilo. Rongogo' noyo ilo intor ra intok inayanan Muno giu' ra suruga', am ampuno' am indangano' noyo ilo. Okou ayuk makapandai ra suang ru guang ru ulun. Ginio ra, baalo' noyo pamakuan ra ulun nogondo' ra binaal nano,

2 RAJA'-RAJA' 16:16

Binaal ri Uria nanusuban ru Raja' Agas.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 139:23

Urioo' aku no, iou Aki Kapuuno', am kangkamo' noyo guang kuno; pangkinaman no raki' am kapandayi' pangkaraan kuno.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

UNTABAN 27:16

“Iou Tuhan i Aki Kapuuno', ondo' manaak ra kaayagan ra ngaangai' ondo' maayag, makitaak aku, pilio' noyo sangulun ondo' makapaningganai ra ulun ragitio,

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

LUKAS 16:11

Amon ru kalo boo kalansanin kou ra okou mampakai ra kalangkayaan ru tana' ti raino, atan kosonon ra kalangkayaan ondo' mantilayun?

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

ROMA 8:27

I Aki Kapuuno' ondo' makapandai ra ngaangai' ru guang ru ulun, makarati' ra kitaakon ru Ambiluo Nano. Sabap ra maya' ra kasagaan ri Aki Kapuuno' galama' makitaak Ambiluo Nano ri Aki Kapuuno' koson ra ulun Nano.

1 KORINTUS 7:25

Koson ra ulun ondo' kalo poyo nawot, kolondo' pambalaan ru Tuhan posoboyon kuno ramuyun, kaa' mangani' aku ayuk ramuyun ra pamaguangan koson ra pangkaraan. Sabap ra asi' ru Tuhan raki', maaya' aku mindagu am niayuk malansanan min.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

GALATIA 2:7

Io pana nangiou niayuk ra aku ti noyo sinusub ri Aki Kapuuno' mampasaboi ra Tanou Moonsoi no ra ulun sala' ka Jaudi, mogondo' ri Pitrus sinusub ri Aki Kapuuno' mampatanou raginio ra ulun ru Jaudi.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 6:6

Pai' gagaya' ayuk paat ra akau tainuin, koson ra makiompor kau ayuk risilo. Kaa' suguto' min noyo toojo ra kasagaan ri Aki Kapuuno', koson ulipon kau ri Kristus.

KOLOSI 3:22

Ulipon kau ngai', moonsoi ru gagaya' kano ra tuan mino ra atan ayuk kondoyon min. Sala' ka gumagaya' ayuk paat ra akau tamungin, koson makiompor kau ak risilo. Kaa' gagaya' kano toojo risilo mogondo' ra akau gumagaya' toojo ra Tuhan.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

2 TIMOTIUS 1:14

Mabaya' ra indangan ru Ambiluo ri Aki Kapuuno' ondo' maayag ra ralalom takau, rayuso' noyo toojo kandoi moonsoi ondo' pinalansan rirun.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

TITUS 1:3

Paat ra inaru' i, pinaintalang ri Aki Kapuuno' ra bala' Nano ralalom ru Tanou Moonsoi ti. Pampatanawan ragitio noyo pinalansan raki' am posoboyon ku noyo maya' ra susuban ri Aki Kapuuno', Mamamayag takau.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.