1 TISALONIKA 2:18 - Tanou Moonsoi Timugon

¹⁸ Makaguang akai noyo mongoi tuum ramuyun, ra kaingkula' ku noyo nangkinam, kaa' inampangan akai ru Tingganai ru riwato no.

1 TISALONIKA 2:18 ပူးပေါင်းရင်းမြစ်များ

AYUP 33:14

Kabalu' pana mindagu i Aki Kapuuno' ra masuang ralan, kolondo' osoi pana ondo' totopot mampalio ra ragu Nano.

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

ROMA 15:22

Ginio sabap ra kandoi kuno raginio masalok aku maampangan mongoi tuum ramuyun.

1 KORINTUS 16:21

Am gitio noyo tinulisan kutu ondo' tinatanduan kutu galama'; Kaansayan intor raki', i Paulus.

PILIPI 4:16

Am poyo ra aku soroi ra bandar Tisalonika, mokoondo' ingkukula' kano nangator raki' ra kaukapan, ioginio ruit pangindangan.

KOLOSI 4:18

Aku no galama' manulis ragitio: Bilin kaansayan intor raki', i Paulus. Pai' liliani' ra kapaganan kutu ra lakat aku ayuk poyo aputon! Gama' ru i Aki Kapuuno' mambarakat ramuyun.

2 TISALONIKA 3:17

Aku galama' nanulis ragitio: Kaansayan intor raki', i Paulus. Gitio noyo tatandu' ru moonong surat kuno; gitio noyo ra aku manulis.

PILIMON 1:9

Kaa' sabap ra togom ti, makitaak aku ayuk rirun. Aku ti duta ri Kristus Jisus am raino inaput poyo sabap Io.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.