1 TISALONIKA 2:15 - Tanou Moonsoi Timugon

¹⁵ Ilo noyo namatoi ra Tuhan Jisus am nabi-nabi am niayuk nangimbolo' ramon. Kalo gumagaya' ilo ri Aki Kapuuno' am makimantula' ilo ra ngaangai' ulun.

1 TISALONIKA 2:15 ပူးပေါင်းရင်းမြစ်များ

ESTER 3:8

I Gaman pana nambala' boo ra raja', kono, “Raja' kuno, mokoondo' rondo' bansa' ondo' nokosoroi ra moonong wilayah giu' ra titikop ru pamarintaan mutu. Mokoondo' ilo ra kaulayan ondo' suai toojo ra kaulayan ru bansa' ra bokon. Ra mulu' poyo ra kalo gumagaya' ilo ra undang-undang ru pamarintaan. Ginio ra, moonsoi pai' mu polosoo' ilo mambaal ra kasagaan nilo.

MAZMUR 109:20

Iou Tuhan, pantula' kuno ukumi' koson raginio, ilo ondo' mangilaat raki'.

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

AMOS 7:12

I Amajia pana mindagu boo ri Amos, “Okou nabi, uli' no ra Jiuda! Raguo' manala' ra giu' no. Polosoon ilo ondo' mangani' ra akanon rirun!

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

MATIUS 27:25

Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

LUKAS 24:20

Kaa' tingganai imam Jaudi am tingganai ru bansa' takau nampataak Riso ra pantula' Nano saboi inukuman Io ra potoyon am sinalip nilo io!

RINALATAN 12:3

Ilai' ri Irodis maansayan ulun ru Jaudi ra baal raginio, giminaai poyo laat nati am panusub io koson mamparakop ri Pitrus. (Ginio nasauk paat ra Pangiantakan ra Ruti' Kalo Linatakan ra Ragi.)

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

1 KORINTUS 10:5

Kabalu' pana koson ragili, kasuangan nilai kalo kaansayin ri Aki Kapuuno', am gili sabap ra baangkai nilai rumampalangan ayuk boo giu' ra tana' kaagisan.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.