1 TISALONIKA 2:11 - Tanou Moonsoi Timugon

¹¹ Nakapandai kano ra paliso mai ramuyun sigagama', ioginio mogondo' ra sangulun ama' am anak-anak nano.

1 TISALONIKA 2:11 ပူးပေါင်းရင်းမြစ်များ

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 34:11

Singa'-singa' pana maitilan sabap ra maayawan ra akanon, kaa' ulun ondo' giminagaya' ra Tuhan kalo maayawan ra atan ayuk pana moonsoi.

AMSAL 1:10

Amon ru ulun makatula mangambi' rirun, anak kuno, pai' gagayaa' pangambian nilono.

AMSAL 1:15

Anak kuno, pai' kau baya' ra ulun koson raginio. Inggalur kau risilo.

AMSAL 2:1

Alii ra anak kuno, apuo' atan ondo' inila' kuno am pai' mu liliani' panusuban kuno.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

AMSAL 6:1

Anak kuno, amon ru mokoondo' bantu' min manampilon ra utang ru ulun bokon,

AMSAL 7:1

Alii ra anak kuno, karaa' bilin kutu, am pai' liliani' panusuban kuno.

AMSAL 7:24

Ginio ra, alii ra anak kau, rongogo' aku no am karaa' min bilin kuli.

UNTABAN 27:19

Susubo' noyo io migor ra saang ru Imam Iliajar am ngaangai' ulun. Giu' ra saang nilo ngaangai' musiti' kou mapatanou ra i Josua suali rirun.

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

RINALATAN 20:2

Minongoi io ra ngaangai' libung ru Makidonia am pambilin io ra ulun Kristian ra giu' no koson mampaikang ra pangintapatan nilai. Ongoi io boo ra Akaya

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

SAGULION 3:28

Pataaki' noyo panuluan-panuluan ri Josua. Kaikango' guang nano, sabap ra io noyo maningganai ra ulun mongoi ra sandaup ru sungoi koson mayan ra tana' ondo' nakito muno.’

SAGULION 31:14

Tuhan pana mindagu ri Musa, “Bayag muno kalo boo mabuoi. Piawo' noyo i Josua am ibito' io ra Kim Kuno, maa' raginio makapanaak Aku ra panuluan riso.” Umpos i Musa am i Josua ra ralalom Kim ru Tuhan,

1 TISALONIKA 2:7

kabalu' pana akai ti, koson ra rasul ri Jisus Kristus, maaya' akai makitaak ra atan-atan ayuk intor ramuyun. Kaa' kinolomoi mai guang mai paat ra akai soroi ramuyun, koson ra sangulun ina' ra io mantalaanak.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

2 TISALONIKA 2:5

Kalo kia kinara' min ra aku soroi ramuyun ragili, ra ingkula' aku noyo nambala' ramuyun ra ngaangai' baal raginio?

2 TISALONIKA 3:12

Ralalom inggalan ri Tuhan Jisus Kristus, manusub am mapakara' akai ra ulun koson risilo ra musiti' ilo tumanda' am mangandoi maguyum ra paginakanan galama'.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 5:7

Ginio ra pakaraa' noyo ulun-ulun mangintopot no raginio, maa' raginio kolondo' boo makapanguu' risilo.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 TIMOTIUS 6:2

Ulipon ondo' makatuan ra Kristian, pai' min karaa' ra pabukatan min ra Kristian sasaban ra kalo mangurumat ra tuan mino. Kaa' sotopot no, pasingkoton poyo kinoonsoi ru kandoi min risilo, sabap ra tuan ondo' mokoowot ra ampos ru kandoi min, pabukat poyo ra Kristian ondo' tagamin. Musiti' ilaan am pabalaan mu toojo ngaangai' tinulisan kuno rirun.

TITUS 2:15

Ilaa' noyo ngaangai' raginio mabaya' ra paningganayan muno ra okou mampaikang ra guang kapoam mansawai risilo ondo' mangkirongog rirun no. Pai' polosoo' osoi ayuk pana intor risilo magasab rirun.

TITUS 2:6

Ragui' niayuk tuu'-bagu koson ilo ti pana mapandai mongorot.

TITUS 2:9

Ragui' niayuk ulipon-ulipon ra gagayaan nilo toojo tuan nilai no, am poyo katasuon nilo guang ru tuan nilai ralalom ru ngaangai' baal.

IBRANI 13:22

Pabukat kau ngai' ra Kristian, maminson aku po ra posoroto' min noyo pambalaan kutu ra guang pantataan, sabap ra surat kutu ragitio kalo kukula' maawar.

3 JUANIS 1:4

Kolondo' atan-atan mapabansuk ra guang kuno intor ra nangkirongog ra bayag ru pabukat-pabukat kuno maya' ra susuban ri Aki Kapuuno'.