1 TISALONIKA 1:8 - Tanou Moonsoi Timugon

⁸ Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio.

1 TISALONIKA 1:8 ပူးပေါင်းရင်းမြစ်များ

KAINGKUALAN 18:9

Naansukan i Jitro nakaining ra ngaangai' baal raginio.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

ROMA 1:8

Pagulu ti, ralalom inggalan ri Jisus Kristus, maringkuanang aku ri Aki Kapuuno' sabap ra pangintapatan min ri Jisus Kristus raino mapandayan noyo ru ulun ra titikop ru tana' ti.

ROMA 15:26

Sabap ra ulun Kristian giu' ra libung ru Makidonia am Akaya mangasaga' mangani' ra ruit paindanganon ra ulun ri Aki Kapuuno' ondo' musikin giu' ra Jirusalim.

ROMA 16:19

Napandayan noyo ru ngaangai' ulun ra nampagagayaan mino ra Tanou Moonsoi, am intor raginio maansukan aku ramuyun. Masaga' aku ra makatutun kau ra atan ayuk moonsoi am kalo noyo maindalom ra atan ayuk kalaatan.

1 KORINTUS 14:36

Intor ramuyun kia bala' ri Aki Kapuuno'? Kapoam akau ayuk kia inanian ra bala' no?

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

2 KORINTUS 3:4

Mindagu akai koson raginio sabap ra maayo toojo kalansanan mai ri Aki Kapuuno' sabap ri Kristus.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

2 TISALONIKA 3:1

Pupus ti, pabukat ku ngai' pakiasi' kano ramon ra Tuhan, maa' raginio bala' ru Tuhan mataki' makatanou am apuon mabaya' ra urumat, mogondo' koson ra intok min ragili.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.

3 JUANIS 1:12

Ngaangai' ulun mongompor ri Dimitrius. I Aki Kapuuno' pana mongompor riso. Akai pana mongompor riso am napandayan min noyo ra kaintutunan maiti motopot.

PINAINTALANG 14:6

Kakito ku boo rondo' malaikat ra bokon mansiab ra masawat. Malaikat no nagibit ra Tanou Moonsoi ondo' mantilayun koson pabalaan ra ulun ru tana' ti, ioginio ra moonong papag, ragu, bansa' am pagun.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.