1 TISALONIKA 1:6 - Tanou Moonsoi Timugon

⁶ Timinilu kau ramon am niayuk ra Tuhan, am kabalu' pana naimbolo' kau toojo, inapu min niayuk bala' i mabaya' ra kaansukan ondo' tinaakan ru Ambiluo ri Aki Kapuuno'.

1 TISALONIKA 1:6 ပူးပေါင်းရင်းမြစ်များ

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 13:52

Kaa' naansukan niayuk ulun mangintopot ri Jisus giu' ra Antiokia, am ilo kinuasa' ru Ambiluo ri Aki Kapuuno'.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

1 KORINTUS 11:1

Tilu kano raki', mogondo' ra aku pana tumilu ri Kristus.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

1 KORINTUS 4:16

Ginio nai ra kitaakon takamin toojo ra tilu kano raki'.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 8:5

Am mulu' poyo pinataak nilo intor ra linansanan maili. Kasaa', pinatimpok nilo kaayagan nilai galama' ra Tuhan am niayuk ramon, sumugut ra kasagaan ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 5:1

Tilu kano ri Aki Kapuuno' sabap ra akau noyo anak ondo' tagamin Nano.

PILIPI 3:17

Pabukat kau, tilu kano raki'. Nangani' akai no ramuyun ra tiluan matanda'. Ginio ra ilai' noyo toojo ulun ondo' tumilu koson ramon no.

2 TISALONIKA 1:4

Ginio ra akai galama' maansukan mantunung ra pasimpungan ulun Kristian no ra ati kulaan kinaikang ru pangintapatan mino ri Kristus paat ra maimbolo' am mapagon ondo' malimanan min.

2 TISALONIKA 3:7

Akau galama' nakapandai noyo ra musiti' kau tumilu ramon, sabap ra paat ra akai soroi ramuyun ragili, pai' ru mangatiar akai.

2 TISALONIKA 3:9

Sala' ka koson ra kolondo' sasaban mai makipakan ramuyun, kaa' nangani' akai ayuk ramuyun ra rondo' tiluan moonsoi.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.

1 PITRUS 1:6

Sabap ra paintalangan nano pakaansuk kano, iou pana raino ti mangiluk guang min ra buoi, sabap ra makaliman kau ra nansalinut pangkinaman.

1 PITRUS 1:8

Motogom kau Riso, iou pana kalo poyo nakakito kau Riso. Mangintopot kau Riso, kabalu' ra kalo makakito kau Riso raino. Am maansukan kau kaga' mabaya' ra bansuk ondo' kalo noyo maalap karagu.

1 PITRUS 3:13

Osoi kia masaga' mampakalaat ramuyun, amon ru masalok kau mambaal ra moonsoi?

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.