1 TISALONIKA 1:5 - Tanou Moonsoi Timugon

⁵ Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

1 TISALONIKA 1:5 ပူးပေါင်းရင်းမြစ်များ

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

LUKAS 1:1

Tiopilus ondo' urumaton kuno, Masuang noyo ulun nopongo nanulis ra pambalaan motopot koson ra atan ondo' nasauk ra tatanga' takau.

RINALATAN 11:21

Kuasa' ru Tuhan mabaya' risilo saboi masuang ulun nangintopot am minaya' ra Tuhan.

RINALATAN 16:14

Sangulun intor risilo i, i Lidia, ondo' mantatalan ra konoon matanggilung. Io no intor ra Tiatira am nangintopot ri Aki Kapuuno'. Ginio ra ukabo' ri Aki Kapuuno' guang nano koson nangapu ra pangilaan ri Paulus.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 2:16

Ginio ra, maya' ra Tanou Moonsoi ondo' posoboyon kuno, gitio noyo sauk nano ra Orou Pupus no; ralalom inggalan ri Jisus Kristus mangakim i Aki Kapuuno' ra ngaangai' ondo' nasibuni ra guang ru ulun.

1 KORINTUS 1:24

Tanou raginio ralan ri Aki Kapuuno' mampakito ra kuasa' am kapintaran Nano risilo ondo' mangintopot Riso – iou pana ulun ru Jaudi kapoam sala' ka Jaudi.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

1 KORINTUS 4:20

Sabap ra amon ru i Aki Kapuuno' mamarinta ra kaayagan ru sasangulun no, makito ra makakuasa' kaayagan nano am sala' ka ragu ayuk.

1 KORINTUS 9:14

Ginio ra Tuhan pana nangaru' ra ulun ondo' mampasaboi ra Tanou Moonsoi no musiti' makaapu ra akanon songongorou intor ra kandoi no raginio.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

PILIPI 4:9

Suguto' min atan ondo' noowot min noyo intor raki', koson ra atan ondo' nakabala' kapoam binaal kuno. Am i Aki Kapuuno' ondo' manaak ra pabansayan mabaya' boo ramuyun.

KOLOSI 2:2

Bagu raginio, guang nilai ti baani am mokopontogom ilo ra rondo' am bokon am niayuk makakalansanan ilo toojo sabap ra makakaintutunan ilo ra katapatan. Ginio am makaulig ilo poyo ra ondo' kalo igondo' pinabala' ri Aki Kapuuno', ioginio i Kristus galama'.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

2 TIMOTIUS 2:8

Karaa' noyo i Jisus Kristus, anak ru raja' Daut ondo' binayag noyo saguli' intor ra kapatayan. Ginio inila' ku ra Tanou Moonsoi ondo' pinasaboi kuli.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 6:11

Maayo guang mai ra akau sigagama' mirot pangindangan saboi ra pupus, suku' moowot min lalansanin mini.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.