1 TISALONIKA 1:2 - Tanou Moonsoi Timugon

² Masalok akai maringkuanang ri Aki Kapuuno' sabap ra akau ngai' am masalok niayuk mangkara' ramuyun ralalom pakiasian mai.

1 TISALONIKA 1:2 ပူးပေါင်းရင်းမြစ်များ

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

1 KORINTUS 1:4

Masalok aku maringkuanang ri Aki Kapuuno' koson ramuyun, sabap ra nakaapu kano ra asi' Nano ralalom inggalan ri Jisus Kristus.

KOLOSI 1:3

Masalok akai maringkuanang ri Aki Kapuuno', Ama' ru Tuhan takau i Jisus Kristus, ralalom moonong pakiasian mai ramuyun.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TISALONIKA 3:9

Raino maringkuanang akai toojo ra saang ri Aki Kapuuno' sabap ra kaansukan ru guang maiti ramuyun.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

PILIMON 1:4

Masalok ra aku makiasi' am mangkara' rirun, maringkuanang aku ri Aki Kapuuno'.