1 TIMOTIUS 6:9 - Tanou Moonsoi Timugon

⁹ Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

1 TIMOTIUS 6:9 ပူးပေါင်းရင်းမြစ်များ

1 RAJA'-RAJA' 21:6

Taam Raja' Agab, “Kalo maansayan aku ri Nabot. Masaga' aku mambali ra umo ru anggur nano am pataako' ku ruit riso, kapoam umo no aligin ra umo ru anggur ra bokon, kaa' marara' i Nabot mapataak raki'!”

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

AMSAL 20:21

Kinalangkayaan ra matasu' moowot, kolondo' barakat.

AMSAL 21:6

Kinalangkayaan ra naalap intor ra ralan kalo mabanis guang, sala' ka ayuk kalo mantilayun kaa' maaru' magibit ra kapatayan.

AMSAL 22:16

Osoi mangimbolo' ra ulun musikin koson ra ralan no sumauk langkaya' kapoam manaak ra tangguang ra ulun langkaya', pupus nano tumamusikin.

AMSAL 23:4

Ilalai' min noyo! Kalo sukuin ra inan maimbolo' sabap ra sumauk ra langkaya'.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JAKARIA 11:5

Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

UNTABAN 31:8

nakaaya' limo ngaulun raja' ru Midian: I Iwi, i Rikim, i Jur, i Gur am i Riba. Namatoi ilo niayuk ri Biliam anak ri Bior.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 19:22

Korongog no ayuk ragu raginio, ugar io am mangiluk toojo guang nano sabap ra rapu' nano masuang.

MATIUS 26:15

“Atan panganian min raki' amon ru pataakin ku i Jisus ramuyun?” Panguntob ilo talu ngoopor ruit pirok am taaki' ri Judas.

MATIUS 6:19

“Pai' no panimung ra rapu' ra tana' ti, ondo' maapu' ru lipos am togol am tokowon ru mantatakou.

MARKUS 4:19

kaa' kaimamangan ru bayag ti, kasagaan lumangkaya' am nansalinut lilipok poyo, mamisi' ra Tanou no saboi kalo mangkawa'.

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

LUKAS 21:35

Sabap ra ratangan nano mampalandak ra ngaangai' ulun ru tana' ti.

RINALATAN 8:20

Kaa' taam i Pitrus, “Mausung kou mabaya' ra ruit muno, sabap ra indoson muno kia ra maalap mu kabali taak ri Aki Kapuuno'!

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

1 TIMOTIUS 1:9

Karaa' takau boo ra ukum ti pai' ru pinataak koson mampatanda' ra ulun moonsoi, kaa' ulun mangalaat ondo' manggal ra ukum, ioginio ondo' makatula, ondo' tumalikur am kalo mangurumat ri Aki Kapuuno', am poyo ulun ondo' mamatoi ra matuo nilai, kapoam mamamatoi ra bokon.

1 TIMOTIUS 3:7

Io musiti' no sangulun ondo' urumaton ru mamagun ondo' sala' ka Kristian pana, maa' raginio kalo tauyuon io saboi marukuan ru Tingganai ru riwato no.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.