1 TIMOTIUS 6:4 - Tanou Moonsoi Timugon

⁴ io noyo ulun masumbung am kolondo' toojo kapandayan. Ulun koson ragitio kalo matanda', magail ayuk mantataam ra arati' ru rorondo' ragu, saboi mampasalula' ra kaingatan, pagagansangan, pangalimutan, panalaan malaat,

1 TIMOTIUS 6:4 ပူးပေါင်းရင်းမြစ်များ

2 TIMOTIUS 2:23

Pai' noyo baya' ra pantataaman ondo' kolondo' onong. Nakatutun kou noyo ra ngaangai' ti mampasalula' ayuk ra pansasangaran.

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

1 TIMOTIUS 3:6

Musiti' io ti poyo sala' ka bagu ayuk siminauk ra Kristian, sabap ra maagu minsawat lair guang nati am ulason io mogondo' ra Tingganai ru riwato ra galing i.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.

2 TIMOTIUS 2:14

Ngaangai' baal ragitio pakaraan mu ra pasimpungan ulun Kristian am pinsonon mu ilo ra saang ri Aki Kapuuno' ra kalo boo mantataam ra arati' ru rorondo' ragu. Kolondo' toojo onong ru gitio, ondo' ak am mampakajajou ayuk ra ulun ondo' mangkirongog no.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

1 TIMOTIUS 1:7

Ilo ti masaga' sumauk ra mangingila' ra Ukum ri Musa, kaa' sotopot no ilo galama' kalo makarati' ra raguon nilai no ondo' inintopot nilo toojo.

1 TIMOTIUS 1:4

Balai' ilo ra kalo babaya' ra tutunungon kapoam intaran ru tuu'-lair ondo' kolondo' pupupus no. Ngaangai' ragitio mangkinibit ayuk ra pansasangaran am kalo mampaintutun ritakau ra inatang ri Aki Kapuuno' ondo' mauligan mimpuun ra pangintapatan takau ayuk.

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

TITUS 3:9

Kaa' inggaluri' noyo pantataaman ra kolondo' onong, tutunungon ondo' binaal-baal ayuk ru ulun, pangayawan am pansasangaran intor ra Ukum ri Musa. Sabap raginio ngai' kolondo' onong kapoam ampos no.

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

PILIPI 1:15

Iou pana ginio, mokoondo' niayuk ulun mampabala' ra tanou ri Kristus sabap ra tanou ri Kristus mabaya' ra guang motopot.

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

GALATIA 5:15

Amon ru malaat kau saboi mamparuol ra rondo' am bokon, ilalai' min, amon ru kalo, makapabaya' kau ngaangai' mapuso.

2 KORINTUS 11:20

Polosoon min ilo mangulipon, mangingkaut, mamparuung, magasab am mampakauyu' ramuyun.

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 11:16

Amon ru mokoondo' magagansang raginio, ginii ayuk susuban intor ramon am niayuk intor ra pasimpungan ulun Kristian ra bokon koson ra aturan ra sumambayang.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

ROMA 14:1

Apuo' noyo ulun ondo' malawo pangintapatan am pai' noyo ansangi' io sabap ra pamaguangan galama' nano.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 2:8

Kaa' ilo ondo' masalok maguyum ra kasingkatan galama', manginggi' ri Aki Kapuuno' am poyo gumagaya' ra kalaatan, ilo no kasangitan am ukumin ri Aki Kapuuno'.

RINALATAN 18:15

Kaa' pansangaran min ti am intor ra ragu, inggalan am poyo ukum min ayuk galama'! Marara' aku manalasai raginio. Akau galama' niayuk musiti' manalasai raginio.”

RINALATAN 8:9

Giu' no mokoondo' niayuk sangulun ungkuyon makainggalan ri Simon. Nabuoi noyo io nambaal ra ulun Samaria mangaliangan koson magilong ra baal kaimuagan nali. Io rokoon sangulun mapandai mangingilong,

JISAYA 58:4

Liliwa' mampali, magagansang kau am magagabu' am lumaat. Indoson mino ralan ra mampali mino manguyog Raki' koson mangkirongog ra pakiasian mino?

AMSAL 26:12

Sasambungon pana ulun, sala' ka koson ra kinasambung ru ulun ondo' mangkara' ra io mapintar, sotopot no kalo.

AMSAL 25:14

Ulun ondo' kalo manugut ra bantu' nano koson ayuk ra gaun am angin ondo' kalo magibit ra rasam.

AMSAL 13:7

Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.