1 TIMOTIUS 6:19 - Tanou Moonsoi Timugon

¹⁹ Maa' raginio makapanimung ilo boo ra kalangkayaan ondo' sumauk ra puun ru kaayagan nilo ra orou tauli no. Am koson raginio mokoowot ilo ra kaayagan ondo' motopot am mantilayun.

1 TIMOTIUS 6:19 ပူးပေါင်းရင်းမြစ်များ

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

AMSAL 10:25

Ulun malaat mapuso bulintok ra rosob matong, kaa' ulun mabanis guang kalo makulau ra sabuoi-buoi no.

AMSAL 31:25

Mapintar io am urumaton ru ulun. Kalo magalabo io ra kasaukan ra maagu no.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 18:2

Indagu Io, “Giu' ra rondo' bandar mokoondo' sangulun akim. Kalo malaa' io ri Aki Kapuuno' am kalo mangurumat ra ulun bokon.

LUKAS 18:22

Korongog ri Jisus ginio, indagu Io ra ulun i, “Rondo' poyo baalon muno: Talano' ngaangai' rapu' muno, am ruit no tatayaro' ra ulun musikin am mokoowot kou boo ra rapu' giu' ra suruga'. Mopongo raginio, baya' no Raki'!”

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

PILIPI 3:12

Kalo noyo lair mindagu aku ra matanda' aku no am kolondo' sala ku. Kaa' rayuson ku ayuk mompogogot ra taak ondo' pinatampos noyo raki' kalalair ri Jisus Kristus. Ginio boo puun ra Io nampasauk raki' ra maamaya' Nano.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

2 TIMOTIUS 1:1

Aku i Paulus ondo' sinauk ri Aki Kapuuno' ra sangulun rasul ri Jisus Kristus, koson mampatanou ra kaayagan ondo' binantu' ri Aki Kapuuno', ioginio pasimpungan takau ri Jisus Kristus.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

1 PITRUS 1:4

Ginio noyo puun ru barakat maayo ondo' pinatampos kalalair ritakau giu' ra suruga'. Am taak ragitio kalo maalap kalunsai, kapuso kapoam kairu'.