1 TIMOTIUS 6:17 - Tanou Moonsoi Timugon

¹⁷ Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 TIMOTIUS 6:17 ပူးပေါင်းရင်းမြစ်များ

KASAUKAN 13:2

I Abram ti sangulun langkaya' kaga'. Mokoondo' io ra domba, kambing, sapi', pirok am niayuk mas.

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

MAZMUR 104:28

Manaak Kou ra akanon, am ilo ondo' maayag binangun Muno mampalulur; paakanon Mu ilo ngai' saboi maasug.

MAZMUR 52:7

Ginio ra, i Aki Kapuuno' mamuso rirun ra sabuoi-buoi no; rokopon am ralaaton No okou intor ra baloi; pusoon No okou intor ra pagun ru ulun maayag.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

AMSAL 11:28

Osoi lumansan ra rapu' maratu' io koson ra raun mapua', kaa' ulun ra kolondo' tula tumuu' koson ra sakot malabung.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

AMSAL 27:24

sabap ra kinalangkayaan ti kalo mantilayun. Kuasa' koson mamarinta pana kalo lumayun ra sabuoi-buoi no.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 49:4

Kua ramuyun lumimbau, ulun kau ngai' ondo' kalo gumagaya'? Ilai' noyo, kaikangan min tumalimpuun lumawo. Kua kia lansan kau ra kaikangan galama' am mindagu ra kolondo' osoi pana makakau' mamulunsar ramuyun?

YEHEZKIEL 16:56

Sala' ka kia igondo' kou pakakurit ra Sodom paat ra okou lakat poyo malilimbau ragili,

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

GOSIA 13:6

Kaa' pakaayan kau boo ra pagun ondo' moonsoi, am naasug kau am niayuk najala', liminimbau kau am nampalilian Raki'.

MATIUS 12:32

Osoi ayuk magasab ra Anak ru Ulun, maalap ra ampun. Kaa' osoi ayuk magasab ra Ambiluo ri Aki Kapuuno' kalo maalap ra ampun, paat ra raino kapoam Orou Pupus no!”

MATIUS 19:23

I Jisus pana indagu boo ra maamaya'-maamaya' Nano, “Balain takamin: Mapagon toojo sangulun langkaya' masauk ra ulun ri Aki Kapuuno'.”

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

MATIUS 27:57

Paat ra palunggai', sangulun ra maamaya' ri Jisus intor ra pekan Arimatia ondo' ininggalanan i Jusup minatong.

MATIUS 6:32

Baal koson raginio noyo masalok karaan ru ulun ondo' kalo makatutun ri Aki Kapuuno'. I Ama' mino giu' ra suruga' nakapandai ra kitaakon mino ra ngaangai' raginio.

MARKUS 10:24

Maamaya' Nano mangimuag nokorongog ra ragu ri Jisus ni. Kaa' indagu Io poyo, “Anak kau, mapagon toojo masauk ra ulun ri Aki Kapuuno'!

LUKAS 19:2

Giu' i mokoondo' sangulun tingganai ru mampalulur ra cukai makainggalan ri Jakius. Io ti sangulun langkaya'.

LUKAS 3:11

Taam i Juanis, “Osoi ayuk makabayang ruo, taaki' rondo' ra ulun kolondo' bayang! Osoi ayuk mokoondo' ra akanon, tayaro' akanon no!”

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

SAGULION 33:15

Gama' ru bulur-bulur lair nilo, matauban ru kikinawa' ondo' moonsoi kaga'.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

TITUS 3:6

Intor ra kinataau Nano, pinataak ri Aki Kapuuno' Ambiluo Nano mansail ri Jisus Kristus, Mamamayag takau.

2 PITRUS 1:11

Koson raginio noyo ra iowon kau niayuk mumpos ra suruga', ioginio pamarintaan ru Tuhan am Mamamayag takau, i Jisus Kristus.