1 TIMOTIUS 6:13 - Tanou Moonsoi Timugon

¹³ Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

1 TIMOTIUS 6:13 ပူးပေါင်းရင်းမြစ်များ

MATIUS 27:11

Paat ri Jisus pinauma' ra gabenor Pilatus, kuati' Io, “Okou kia raja' ru ulun ru Jaudi?” Taam i Jisus, “Rinagu mu noyo.”

MATIUS 27:2

Bangkilo' nilo Io am ibito' paumaan ri Pilatus, gabenor karajaan Roma.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

PINAINTALANG 22:1

Malaikat no niayuk nanulu' raki' ra sungoi ondo' mampakaayag. Sungoi no manguliat koson ra kristal am mugar intor ra takhta ri Aki Kapuuno' am Anak Domba no ra tatanga' ralan ru bandar no. Sapapa'-mansapapa' ra kiing ru sungoi no, mokoondo' puun ru mampakaayag ondo' mangkawa' inggopor am ruo sambilor, ioginio igondo' sambulan. Raun nano alapon pamabas ra bansa'-bansa'.

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

1 SAMUIL 2:6

Tuhan no mamatoi ra ulun, am Io niayuk mamayag risilo. Io mangator ra ulun mongoi ra intok ru ulun namagatoi, am Io niayuk magibit risilo saguli'.