1 TIMOTIUS 6:1 - Tanou Moonsoi Timugon

¹ Osoi ayuk ulun Kristian ondo' nasauk ra ulipon, musiti' mangurumat ra tuan nilai no, maa' raginio kalo boo mangilaat ra inggalan ri Aki Kapuuno' am poyo pangilaan takau.

1 TIMOTIUS 6:1 ပူးပေါင်းရင်းမြစ်များ

KASAUKAN 16:9

Indagu malaikat no, “Ruli' no riso am sauk noyo ra ulipon nano.”

KASAUKAN 24:12

Pakiasi' io, “Tuhan i Aki Kapuuno' ru tuan kuno i Abragam, indangano' aku maa' ra indangan Muno makaampos baalon kuno orou raiti' am guuto' toojo bantu' Muno ra tuan kuno.

KASAUKAN 24:2

Sangarawan ragili, indagu i Abragam ra ulipon matutuo nano ondo' magalung ra ngaangai' rapu' nano, “Poompoyo' kalindu' muno ra lolot ru karuruo puun ru paa kutu am pagibot no.

KASAUKAN 24:27

Indagu io, “Koompor noyo Tuhan i Aki Kapuuno' ru tuan kuli i Abragam totopot nampaguut ra bantu' Nano ra tuan kuli i Abragam. Inibit aku ru Tuhan parampuso' ra pabukat ru tuan kuli.”

2 SAMUIL 12:14

Kaa' sabap ra nagasab kou ra Tuhan ra binaal raginio, anak ungkuyon muno ondo' bagu inanak no matoi.”

2 RAJA'-RAJA' 5:13

Kaa' indagu ulipon-ulipon ri Naaman no riso, “Tuan, amon ru manusub nabi no rirun mambaal ra baal mapagon, maaru' baalon mu ginio. Moonsoi mariu' kou koson ra nanusuban nano maa' raginio mababas.”

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 52:5

Ragino atan kondoyon Ku ragiti? Mamparakop ulun ru Babil ramuyun ra kolondo' sasaban. Ilo ondo' mangimbolo' ramuyun malilimbau am rayusin nilo magasab Raki'.

JISAYA 58:6

Gitio noyo pali ra kasagaan Kuno: Iruo' noyo bangkil kaimbalaan am saanin ra kolondo' katimpakan, am palabuso' noyo ulun-ulun ondo' inimbolo'.

YEHEZKIEL 36:20

Ati ayuk angayan nilo, jamalin nilo inggalan Kuno ondo' matulai sabap ra kon ru ulun, ‘Ilai', ilo ulun ru Tuhan, kaa' iniruanan nilo kalalaat pagun ondo' tinaakan Nano risilo.’

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MATIUS 11:30

Gagayaa' noyo susuban Kuno sabap ra matasu' am mamaan pasaanin Kuno ramuyun.”

MATIUS 11:9

Balai' Aku, akau miningkual magilong ra atan? Sangulun nabi kia? Iou, mindagu Aku ramuyun ra i Juanis maatang poyo intor ra sangulun nabi!

LUKAS 17:1

Indagu i Jisus ra maamaya' Nano, “Maaru' mokoondo' niayuk pangkinaman saboi ulun mambaal ra tula pana kaa' aibui boo ra ulun ondo' mangkinibit ra tula ti!

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

RINALATAN 10:7

Pakaugar ayuk malaikat ondo' minindagu riso i, piawo' no ruo ngaulun ulipon nali am sangulun saujor ondo' mangampin riso. Io poyo sangulun ondo' sumamba ri Aki Kapuuno'.

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

ROMA 2:24

Sabap ra tinulisan noyo ra Buuk Kitab, “Sabap ra paliso min ulun ru Jaudi, inggalan ri Aki Kapuuno' asabin ru ulun sala' ka Jaudi.”

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

GALATIA 5:1

Itakau raino mokoondo' noyo ra kaluagan sabap ra pinalabus takano ri Kristus! Intor raginio, porondon kau ra kaluagan no, am pai' kau kasaga' uliponon poyo saguli'.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

1 TIMOTIUS 5:14

Ginio ra moonsoi niayuk ru napuor ra mangamulok no mangindalaki am maganak poyo, am mirot ayuk pampaugar ra kandoi nilo koson ra sangulun andu', maa' raginio ulun lumaat ritakau kolondo' boo kaluagan mampakalaat ra inggalan takau.

TITUS 2:5

mongorot am mapasau guang, am mapandai mampaugar ra kandoi nilo koson sangulun andu' ondo' mampagagaya' ra ralaki nano. Maa' raginio kolondo' sangulun pana makapagasab ra bala' ri Aki Kapuuno'.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.