1 TIMOTIUS 5:8 - Tanou Moonsoi Timugon

⁸ Kaa' osoi ayuk kalo magalung ra pabukat nano, mulu' poyo pinongkotob nano galama', ulun ragitio karaan ra nagali' noyo ra pangintapatan am mulu' poyo malaat io ka ulun ondo' kalo mangintopot ri Kristus.

1 TIMOTIUS 5:8 ပူးပေါင်းရင်းမြစ်များ

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

JUANIS 15:22

Amon ru kalio Aku minatong am nambala' ra ngaangai' ti risilo, kolondo' tula nilo. Kaa' raino mailo ilo boo mindagu ra, ‘Kalo nakapandai akai ra natulaan akai.’

1 KORINTUS 6:6

Kaa' pinoloso min ayuk ulun Kristian mantatagi' ra rondo' am bokon giu' ra makama, am ulun sala' ka Kristian no boo manalasai risilo.

2 KORINTUS 12:14

Gitio kaintalu ra aku nakatampos mongoi ramuyun. Pai' ru mantipagon aku ramuyun, sabap ra akau no tupo kasagaan kuno, sala' ka ruit mino. Pai' ru anak no ondo' mampakan ra matuo nano, kaa' matuo ondo' mampakan ra anak nilai no.

2 KORINTUS 6:15

Ati kulaan i Kristus am Tingganai ru riwato rondo' guang? Kapoam mokopogondo' kia sangulun Kristian am ondo' sala' ka Kristian?

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

PINAINTALANG 2:13

Makapandai Aku ati inayanan mino. Ioginio giu' ra panguasaan ru Tingganai ru riwato no. Nangintopot kau toojo Raki' am kalo inali' min Aku kabalu' pana i Antipas, sasi' Kuno ondo' malansanan, pinatoi ra saang min, giu' ra nanguasaan ru Tingganai ru riwato i.

PINAINTALANG 3:8

Makapandai Aku atan baalon mino. Makapandai aku ra ikang mino kalo kukula', kaa' minaya' kau ra pangilaan Kuno am gumagaya' kau Raki'. Nangukab Aku ra umpasan min am angabin ru osoi ayuk pana kalo maangaban.