1 TIMOTIUS 5:6 - Tanou Moonsoi Timugon

⁶ Kaa' napuor ondo' maringkumaa' ayuk ra kalangkayaan, io ti karaan koson ra pangintapatan nano minatoi noyo, kabalu' pana naayag io.

1 TIMOTIUS 5:6 ပူးပေါင်းရင်းမြစ်များ

KASAUKAN 2:17

kaa' ondo' ayuk kalo maakan no intor ra puun ondo' mangani' ra kapandayan ra baal moonsoi am niayuk malaat. Kawa' no kalo maakan mu; amon ru akanon mu, maaru' matoi kou ra orou raginio niayuk.”

AMSAL 29:21

Ulipon ra layaan intor ra boborok, pupus no masauk ra ulun mokotog ulu.

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 47:1

Mindagu Tuhan, “Okou Babil, tuun intor ra turungan muno, am panturung noyo ra rasawat ru kaau, Okou kalo boo mantalur am makabunduk ra guang koson ra galing i.

JIRIMIA 6:2

Moonsoi kaga' Bandar Sion, kaa' maumok bandar no ra tauli no;

SULABOI 4:5

Ulun ondo' ragili mangakan ra akanon maamis kaga', raino matoi ra maitilan giu' ra ralan; ilo ondo' ragili langkaya', raino mangiul ra ginsamol maguyum ra akanon.

MATIUS 8:22

Kaa' taam i Jisus, “Polosoo' ayuk ra ulun ondo' kalo maya' Raki' mompolobong ra baangkai no am baya' no Raki'.”

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 15:13

Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali.

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

LUKAS 7:25

Atan inongoi min ilai' ra giu'? Sangulun nambayang ra moonsoi kia? Ulun ondo' mambayang koson raginio am langkaya' kaga' mayan ayuk ra istana!

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

SAGULION 28:54

Mulu' piboo ra sangulun ungkuyon moonsoi ondo' matanda' kaga' paliso nano, majajalan kaga' paat awangin bandar no, saboi mangakan io ra anak-anak nano galama' sabap ra kolondo' boo akanon ra bokon. Kalo masaga' io mantayar ra pabukat nano sanganu pana, kapoam andu' ondo' tagamin nano, kapoam anak-anak nano ondo' lakat poyo maayag.

SAGULION 28:56

Mulu' piboo ra sangulun ruandu' moonsoi ondo' matanda' kaga' paliso nano, am langkaya' kaga' saboi kalo poyo igondo' mantana' mongoi ra ati intok, masauk koson raginio niayuk. Paat ra pantula' magawang ra bandar nano, majajalan io kaga' sabap maitilan, saboi ra suminok io mangakan ra lalagang ondo' bagu inanak nano, am niayuk supu ru lalagang no. Kalo masaga' io mantayar ra ralaki ondo' tagamin nano, kapoam ra anak-anak nano ondo' lakat poyo maayag.

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

2 TIMOTIUS 3:6

Mokoondo' intor risilo ti mongoi ra baloi-kabaloi koson mamunduk ra guang ru ruandu' ondo' masuang tula am ondo' kinuasa' ru nansalinut kalaayan ru guang.

JAKUBUS 5:5

Kaayagan min ra tana' ti liminangkaya' am nabubunsag kau ayuk, am lumomok kau ayuk maginaa ra orou panimbaluyan, ioginio Orou Pangukuman.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

PINAINTALANG 3:1

“Tulisi' koson ragitio ra malaikat ru pasimpungan ulun Kristian ra bandar Sardis: “Gitio noyo bilin intor Riso ondo' mokoondo' tulu' Ambiluo intor ri Aki Kapuuno' am mampaguut ra tulu' butitin no. Makapandai Aku atan baalon mino. Akau ti maayag rokoon kaa' sotopot no minatoi kau!

1 SAMUIL 15:32

Kopongo raginio nanaak i Samuil ra susuban, “Ibito' min Raja' Agag no ragiti.” Raja' Agag no pinauma' riso, am nonontol Raja' Agag ra nalaa' sabap indoson no, “Mapara' boo kinapait ru kapatayan.”

1 SAMUIL 25:6

Nanusub i Daut no risilo mindagu koson ragitio, “Nangator i Daut ra ragu kaansayan nano rirun am sasambaloi muno am niayuk ra ngaangai' longgom muno.