1 TIMOTIUS 5:5 - Tanou Moonsoi Timugon

⁵ Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

1 TIMOTIUS 5:5 ပူးပေါင်းရင်းမြစ်များ

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

JISAYA 49:21

Pansunuron mu boo guang, ‘Osoi kia naganak ra anak-anak no raki'? Sala' kia ka natatakan aku ra anak, am kalo boo maganak? Inibit aku ralalom pamatiran am ininggi' am tinatang misasangulun. Sabap raginio ati intor ru anak-anak no, am osoi kia mampasukor risilo no?’ ”

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 54:1

Jirusalim, galing i okou koson ra ruandu' tabanang ondo' kalo igondo' maganak. Kaa' ragino pagilakup no, am parimbai no maansukan! Sabap ra anak-anak muno masuang kaga', nakasail poyo intor ra anak ru ruandu' ondo' kalo tinatang ru ralaki.

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

RINALATAN 26:7

Bantu' ragili niayuk ondo' kalansanan ru koopor am ruo ngantayaran ru Israil, saboi orou-rondom ilo sumamba ri Aki Kapuuno'. Raja' Agripa, sabap ra kalansanan raginio noyo aku ti inuwan ru ulun ru Jaudi.

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

ROMA 1:12

Arati' kuno ragitio, pagikangon takau rondo' am bokon ru pangintapatan takau ri Jisus.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

1 KORINTUS 7:32

Malansan aku ra makalabus kau intor ra pagalabaan. Ungkuyon kolondo' andu' mampakaatang toojo ra kandoi ru Tuhan, sabap ra moogot io mampakatasu' ra Tuhan.

1 KORINTUS 7:34

Ginio mangkinibit ra guang nano matatayar boo. Kalo mogondo' ra sangulun ruandu' kolondo' ralaki, kapoam sangulun ralaa. Ilo mampakaatang toojo ra kandoi ru Tuhan, sabap ra ilo no mangandoi ayuk ri Aki Kapuuno' kapupupus ru bayag nilo. Kaa' ruandu' ra makaralaki mampakaatang ayuk ra kaayagan ru tana' ti, sabap ra masaga' io mampakatasu' ra guang ru ralaki nano.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

1 TIMOTIUS 2:1

Pagulu, kitaakon ku toojo ra pakitaakan, pakiasian, pambarakatan ra ulun bokon am paringkuanangan posoboyon min ri Aki Kapuuno' ra ngaangai' ulun;

1 TIMOTIUS 5:16

Kaa' amon ru sangulun ruandu' Kristian makapabukat ra napuor, moonsoi io magalung risilo am pai' noyo pantipagon ra pasimpungan ulun Kristian. Maa' raginio maalap nilo kaindangan ulun-ulun napuor no ondo' kolondo' magalung risilo.

1 TIMOTIUS 5:3

Pakaraa' noyo ulun mangintopot ra napuor no ondo' totopot kolondo' magalung risilo.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

1 PITRUS 3:5

Sabap ra galing i ruandu' mangapasau guang ondo' liminansan ri Aki Kapuuno', kataluran nilo ioginio ra giminagaya' ilo ra ralaki nilai.

RUT 2:12

Gama' ru balasin ru Tuhan nansalinut kaansayan muno. Gama' ru apuon mu atan ayuk pana ondo' taakin rirun ru Tuhan, i Aki Kapuuno' ru Israil sabap ra minatong kou koson siminindung Riso!”