1 TIMOTIUS 5:4 - Tanou Moonsoi Timugon

⁴ Kaa' amon ru sasangulun napuor no makaanak kapoam akupu, ilo ti musiti' lansanin koson magalung ra sasambaloi nilai galama'. Sabap ragitio ralan nilo mambalos ra indangan ru matuo am aki-aru' nilo am niayuk mampakatasu' ri Aki Kapuuno'.

1 TIMOTIUS 5:4 ပူးပေါင်းရင်းမြစ်များ

KASAUKAN 47:12

Tinampasan ri Jusup ra akanon ama' nano, pagaka'-pagaka' nano am ngaangai' sasambaloi ru ama' nano, nakaaya' ondo' mangamulok poyo kaga'.

KASAUKAN 47:28

Mopor am tulu' ngambilor i Jakub minayan ra Misir, am saboi umur nano maatus apat ngoopor am tulu' ngambilor.

AYUP 18:19

Kolondo' pabukat kapoam anak akupu nilo, am kolondo' boo ondo' maayag giu' ra intok nilo ragili.

AMSAL 31:28

Urumaton io ru anak-anak nano am omporon ru ralaki nano.

JISAYA 14:22

Mindagu Tuhan Ondo' Maayo Kaga' Kuasa', “Owoyon am pusoon Ku Babil. Kalo polosoon Ku atan-atan pana maayag, io pana lalaing kapoam osoi-osoi ayuk. Aku, Tuhan minindagu noyo.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

1 TIMOTIUS 2:3

Ginio noyo ondo' moonsoi am mampakatasu' ri Aki Kapuuno', Mamamayag takau,

1 TIMOTIUS 5:16

Kaa' amon ru sangulun ruandu' Kristian makapabukat ra napuor, moonsoi io magalung risilo am pai' noyo pantipagon ra pasimpungan ulun Kristian. Maa' raginio maalap nilo kaindangan ulun-ulun napuor no ondo' kolondo' magalung risilo.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

TINGGANAI RU BANSA' 12:14

Mokoondo' io apat ngoopor anak ungkuyon am talu ngoopor akupu ra ungkuyon. Mokoondo' io tulu' ngoopor ngainan kaladai sakayin. Naningganai i Abdon ra Israil buoi balu' ngambilor.

RUT 2:18

Ibito' no barli no ra bandar, am patalango' no ra iwan ruandu' nano kula' suang ru barli ondo' linulur nano. Taaki' no niayuk ra iwan nano ondo' kalo nakai' nilo kaakan.

RUT 2:2

Paat ra sangarawan, indagu i Rut ri Naomi, “Susubo' aku no mongoi ra umo koson mampalulur ra barli ondo' napulayat intor ra kalindu' ru nangkumos. Maaru' makatuum aku ra ulun ondo' nakapulayat raginio.” Taam i Naomi, “Ugar no anak kuno.”