1 TIMOTIUS 5:21 - Tanou Moonsoi Timugon

²¹ Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 5:21 ပူးပေါင်းရင်းမြစ်များ

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 119:34

Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

IMAMAT 14:42

Musiti' batu-batu ondo' baguon pakayon koson pamalit ra batu-batu ondo' pinatiran noyo. Musiti' titikop ru rinding batu no angkupin ra simin baguon.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

MALIAKI 2:9

Ginio ra Aku pana mangkinibit ramuyun kalo urumaton ru ulun ru Israil sabap ra kalo ginagaya' min kasagaan Kuno, am sabap ra pinasusuai min ulun paat ra akau nangila'.”

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 20:21

Indagu ilo boo ri Jisus, “Mangingila', nakatutun akai ra motopot ngaangai' raguon am pangilaan Muno. Nakatutun akai niayuk ra kalo mampili' Kou ra ulun, kaa' mangila' Kou ayuk ra atan ondo' motopot intor ra kasagaan ri Aki Kapuuno' ra ulun.

LUKAS 9:26

Osoi ayuk mauyu' mangiou Raki' am pangilaan Kuno, Anak ru Ulun pana mauyu' mangiou ra ulun no paat ra Io matong ra tauli no. Matong Io mabaya' ra katulayan Nano am niayuk Ama' Nano am poyo katulayan ru malaikat-malaikat ondo' matulai kaga'!

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

1 TISALONIKA 5:27

Mabaya' ra kuasa' ru Tuhan, kitaakon takamin maa' raginio surat ti pabasaan ra ngaangai' pabukat Kristian.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

2 TIMOTIUS 2:14

Ngaangai' baal ragitio pakaraan mu ra pasimpungan ulun Kristian am pinsonon mu ilo ra saang ri Aki Kapuuno' ra kalo boo mantataam ra arati' ru rorondo' ragu. Kolondo' toojo onong ru gitio, ondo' ak am mampakajajou ayuk ra ulun ondo' mangkirongog no.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

2 PITRUS 2:4

Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.