1 TIMOTIUS 5:2 - Tanou Moonsoi Timugon

² ruandu' matuo koson ayuk ra ina' muno am ruandu' ondo' mamulok ka okou koson ra boborok muno mabaya' ra kapasawan.

1 TIMOTIUS 5:2 ပူးပေါင်းရင်းမြစ်များ

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

1 TISALONIKA 5:22

Inggalur kano ra atan ayuk baal malaat.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 5:1

Ilalai' toojo ragu muno ra okou mansawai ra ungkuyon ondo' matuo ka okou, porongogon mu io koson ra ama' muno galama'. Ungkuyon ondo' mamulok ka okou karaan mu koson ayuk ra boborok muno,

1 TIMOTIUS 5:3

Pakaraa' noyo ulun mangintopot ra napuor no ondo' totopot kolondo' magalung risilo.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.