1 TIMOTIUS 5:19 - Tanou Moonsoi Timugon

¹⁹ Amon ru sangulun magagalung ra pasimpungan ulun Kristian uwin, pai' pangintopot amon ru kalo sungkaan ru ruo kapoam talu ngaulun sasi'.

1 TIMOTIUS 5:19 ပူးပေါင်းရင်းမြစ်များ

MATIUS 18:16

Kaa' amon ru kalo mangkirongog io rirun, pagibit no sangulun rangan kapoam ruo poyo. Sabap ra mokoondo' tinulisan ra Buuk Kitab: ‘Amon ru kalo rongogon kou, pagibit no ruo kapoam talu ngaulun sasi' mambala' riso.’

JUANIS 18:29

Ginio sabap boo ra ingkual i Pilatus tumuum risilo am pangkuot io, “Atan kia panguwan min ra ulun ti?”

JUANIS 8:17

Mokoondo' tinulisan ra Ukum ri Musa: Kaintutunan ru ruo ngaulun sasi' motopot.

RINALATAN 11:30

Kopongo ilo ayuk nangani' ra indanganan nilo, susubo' nilo i Barnabas am i Saulus mongoi pangator ra ruit i ra tingganai ru pasimpungan ulun Kristian ra giu' i.

RINALATAN 25:16

Kaa' taamo' ku ilo ra kalo maindalom ulun ru Roma mompoloso ayuk ra sasangulun ukumin ra io kalo poyo mabisara' ra saang ru ulun ondo' nanguu' riso, am aniin poyo ra kaluagan magisaung.

2 KORINTUS 13:1

Gitio noyo kaintalu ra aku mongoi ramuyun. Tinulisan noyo ra Buuk Kitab, “Atan ayuk panguwan, musiti' mokoondo' ruo kapoam talu ngaulun sasi'.”

SAGULION 17:6

Iowon ayuk sangulun bobolon saboi matoi amon ru mokoondo' ruo kapoam talu ngaulun sasi' ondo' mononsol riso, kaa' kalo iowon io bobolon amon mokoondo' sangulun ayuk sasi'.

SAGULION 19:15

“Sangulun sasi' kalo maukop koson mapainono' ra kasalaan ru sasangulun. Musiti' no mokoondo' ruo ngaulun sasi' koson mapainono' ra sasangulun no makatula.

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

TITUS 1:6

Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.

IBRANI 10:28

Ra galing i, osoi ayuk kalo giminagaya' ra Ukum ri Musa am mokoondo' ruo kapoam talu ngaulun sasi' ra makasala io, ulun no pinatoi ra kalo asiin.