1 TIMOTIUS 5:18 - Tanou Moonsoi Timugon

¹⁸ Sabap ra mokoondo' noyo tinulisan ra Buuk Kitab, “Pai' noyo bongkoso' kabang ru sapi' paat ra io mangagik,” am poyo ra “Mangangandoi no maaya' mangapu ra ampos ru kandoi nano.”

1 TIMOTIUS 5:18 ပူးပေါင်းရင်းမြစ်များ

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

MATIUS 10:10

Pai' pagibit ra katia' pakitaakan, kapoam konoon ralinan paat ra akau mugar, kapoam kasut am susukur, sabap ra sangulun mangngandoi musiti' makaalap ra ampos nano.

LUKAS 10:7

Ayan kau ra baloi no. Atan ayuk akanon am inumon pasulungon ramuyun, apuo' min ayuk. Sabap ra sangulun mangangandoi maaya' makaalap ra ampos ru kandoi nano. Pai' pababanding ra ayanan.

ROMA 10:11

Kon poyo ru Buuk Kitab, “Osoi ayuk mangintopot Riso kalo mangkaus.”

ROMA 11:2

Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

ROMA 4:3

Sabap ra mokoondo' tinulisan noyo ra Buuk Kitab, “I Abragam inapu ri Aki Kapuuno' koson sangulun ondo' mobonsoi saguli' Riso sabap ra pangintapatan nali.”

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

1 KORINTUS 9:14

Ginio ra Tuhan pana nangaru' ra ulun ondo' mampasaboi ra Tanou Moonsoi no musiti' makaapu ra akanon songongorou intor ra kandoi no raginio.

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

SAGULION 25:4

“Pai' bongkoso' kabang ru sapi' paat mangagik sapi' no ra gandum.”

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”