1 TIMOTIUS 5:17 - Tanou Moonsoi Timugon

¹⁷ Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

1 TIMOTIUS 5:17 ပူးပေါင်းရင်းမြစ်များ

2 RAJA'-RAJA' 2:9

Giu' no indagu i Ilia ri Ilisa, “Raguo' noyo atan kasagaan muno baalon ku rirun ra aku kalo poyo ibiton mugar.” Taam i Ilisa, “Iowo' aku no manungkus ra kuasa' muno maa' raginio makapalit aku rirun.”

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

UNTABAN 18:31

Akau am sasambaloi mino makaakan ra ondo' natatang no ra ati ayuk intok, sabap ginio noyo bayaran ru kandoi min giu' ra Kim ru Tuhan.

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

LUKAS 10:7

Ayan kau ra baloi no. Atan ayuk akanon am inumon pasulungon ramuyun, apuo' min ayuk. Sabap ra sangulun mangangandoi maaya' makaalap ra ampos ru kandoi nano. Pai' pababanding ra ayanan.

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

JUANIS 4:38

Manusub Aku ramuyun mangkumos giu' ra umo ondo' kalo tiniasan min; ulun ra bokon nangandoi am akau mangumung ra ampos ru kandoi nilo.”

RINALATAN 11:30

Kopongo ilo ayuk nangani' ra indanganan nilo, susubo' nilo i Barnabas am i Saulus mongoi pangator ra ruit i ra tingganai ru pasimpungan ulun Kristian ra giu' i.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

RINALATAN 28:10

Nangani' ilo ra masuang tangguang ramon. Paat ra akai masaga' masundoi, ibiti' nilo akai ra kapal ra atan ayuk kuliamos ru pangkiralanan mai.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

ROMA 15:27

Sala' ka jinajalan ilo raginio, sotopot no ginio musiti' baalon nilo. Sabap ra intor ra ulun ru Jaudi, ulun sala' ka Jaudi nakaapu noyo ra barakat ri Aki Kapuuno'. Ginio kon ra musiti' tupo ulun sala' ka Jaudi mangindangan ra ulun ru Jaudi ra mantayar ra rapu' nilono risilo.

ROMA 16:12

Bilin kaansayan kuno ri Tripina am i Triposa ondo' mirot mangandoi ra Tuhan. Bilin kaansayan kuno ra rangan tagamin kuno i Pirsis ondo' mirot tojojo pangandoi ra Tuhan.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 16:16

Pabukat kau ngaangai', bayaa' min noyo ulun koson raginilo, am niayuk moonong ulun ondo' mangindangan mangandoi koson risilo.

1 KORINTUS 3:9

Akai masisinggau' mangandoi ri Aki Kapuuno'; am akau koson ra umo Nano. Koson ra tinambalayan kau niayuk ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 6:6

Moonsoi niayuk ru ulun ondo' ilaan ra pangintapatan ru Kristian, mantayar ra atan ayuk mokoondo' riso no ra mangingila' nano.

SAGULION 18:8

Io musiti' aniin ra akanon koson ra suang ru maapu ru imam-imam ra bokon, am io iowon mambuli ra atan ayuk ondo' atarin ru sasambaloi nano.”

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

PILIPI 2:29

Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

1 TIMOTIUS 3:5

Sabap ra amon ru mailo io magalung ra sasambaloi nano galama', ati kulaan io makapaningganai ra pasimpungan ulun Kristian?

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 4:16

Ilalai' kaayagan muno am niayuk pangilaan muno. Porondono' ayuk ngaangai' ti, maa' raginio okou galama' am niayuk ilo ondo' mangkirongog ra pangilaan muno bayagon.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.

1 TIMOTIUS 5:19

Amon ru sangulun magagalung ra pasimpungan ulun Kristian uwin, pai' pangintopot amon ru kalo sungkaan ru ruo kapoam talu ngaulun sasi'.

1 TIMOTIUS 5:3

Pakaraa' noyo ulun mangintopot ra napuor no ondo' totopot kolondo' magalung risilo.

2 TIMOTIUS 2:6

Sangulun mantatanom ondo' mingkotog toojo mangandoi, io noyo toojo magulu makaalap ra tayar ru ampos ru tatanom nano.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

IBRANI 13:24

Posoboyo' min noyo bilin kaansayan mai ra tingganai mino am poyo ra ngaangai' ulun ri Aki Kapuuno'. Pabukat ra Kristian intor ra Itali pana mampasaboi ramuyun ra bilin kaansayan nilai.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.